16.09c
Երեվան
երք, սպտ 01
Այսօր՝ Փետրուար 27-ին, սպանութիւն տեղի ունեցած է Շիրակի մարզին մէջ:
Ժամը 01:05-ի սահմաններուն Կիւմրի քաղաքի շտապօգնութեան կայանէն ոստիկանութեան Կիւմրիի Կումայրիի բաժին ահազանգ ստացուած է, որ բժիշկներու հերթապահ խումբը Աթարբեկեան փողոցի «Անդրանիկ»ի արձանի դիմացէն Կիւմրիի բժշկական կեդրոն տեղափոխուած է դանակահարուած քաղաքացի մը:
Հիւանդանոցին մէջ բժիշկները ոստիկաններուն եւ քննիչներուն յայտնած են, որ վիրաւորը իրենց մօտ տեղափոխուած է «աջ ազդրի վերին երրորդի կտրած-ծակած վէրք, կենսաբանական մահ» ախտորոշմամբ: Շիրակի մարզի ոստիկաններն ու քննիչները պարզած են, որ մահացածը Կիւմրի քաղաքժ բնակիչ, 35-ամեայ Վահագն Յարութիւնեանն էր:
Ոստիկանները Տիգրանեան փողոցի թիւ 100 հասցէի դիմաց յայտնաբերած են արնանման հետքեր:
Փաստի առթիւ Շիրակի մարզային քննչական վարչութեան մէջ ՀՀ քրէական օրէնսգիրքի 104 յօդուածի 1-ին մասի յատկանիշով յարուցուած է քրէական գործ:
Ոստիկանութիւնն ու քննչական բաժինը կը ձեռնարկեն անհրաժեշտ հետախուզական եւ քննչական համատեղ գործողութիւններ` դէպքի հանգամանքները պարզելու, կատարողի անձը ճշդելու, անոր եւ յանցագործութեան գործիք առարկան յայտնաբերելու ուղղութեամբ:
