20.09c
Երեվան
հնգ, հկտ 02
Գերմանահայ համայնքի նուիրուած եւ ազդեցիկ անդամներէն՝ Տօքթ. Րաֆֆի Պետիկեան կը գրէ՝
Ուրբաթ, Սեպտեմբեր 5 ին , մեզմէ վերջնականապէս հրաժեշտ տուաւ Գերմանիոյ Ռուհրի եւ Քէօլնի հայ համայնքի ծանօթ ազգայիններէն՝ Արթին Րեյիսեան։
Ծնած է 1 Մարտ 1940 ին, Պոլիս։
Պատանի տարիքէն նետուած է աշխատանքի ասպարէզ։
1965ին առած է իր կեանքի ամենաճիշդ, լաւագոյն որոշումը, ամուսնանալով հրաշալի կնոջ մը՝ Զարուհի Ջպուքճեանիհետ, կազմելով հայկական ընտանիք։Միասին ունեցած են երկու զաւակներ՝ Արլեթ եւ Կարօ,5 թոռնիկներ եւ 4 ծոռեր։
1970 թուականին հաստատուած է Գերմանիայ։
Գործունեայ ձեւով մասնակցած է Գերմանահայ ազգային- հասարակական կեանքին։
1991-1999 թուականներուն վարած է Տուիսպուրկի մշակութային միութեան/ Հայ համայնքի ատենապետի պաշտօնը։Իր նախագահութեան օրոք տեղի ունեցաւ համայնքի պաշտօնական գրանցումը պետութեան մօտ։
Ազգասէր, հայրենասէր եւ եկեղեցասէր անձնաւորութիւն էր։
Հայ առաքելական եկեղեցիին ծառայած է որպէս ուրարակիր, դպիր։
Մեր ցաւակցութիւնները իր ընտանեկան հարազատներուն եւ ընկերներուն։
