image

Կազայի մէջ պատերազմը պիտի ունենայ 3 հիմնական փուլ. Իսրայէլի պաշտպանութեան նախարարը մանրամասնութիւններ յայտնած է

Կազայի մէջ պատերազմը պիտի ունենայ 3 հիմնական փուլ. Իսրայէլի պաշտպանութեան նախարարը մանրամասնութիւններ յայտնած է

Իսրայէլի պաշտպանութեան նախարար Եոաւ Կալանթ, ելոյթ ունենալով Թէլ Աւիւի մէջ Քնեսեթի արտաքին յարաբերութիւններու եւ պաշտպանութեան յանձնաժողովի նիստին, ներկայացուցած է Կազայի հատուածին մէջ Իսրայէլի ռազմական ծրագրերն ու նպատակները: Այս մասին գրած է timesofisrael.com-ը:

Ան ըսած է, որ նպատակները կը ներառեն ՀԱՄԱՍ խմբաւորման վերացումը՝ ոչնչացնելով անոր ռազմական եւ կառավարական հնարաւորութիւնները, եւ Իսրայէլի կողմէ Կազայի նկատմամբ որեւէ պատասխանատւութեան ամբողջական վերացումը՝ Կազայի հատուածին մէջ նոր «անվտանգութեան ռեժիմ» ստեղծելով։

Կալանթ յանձնաժողովի անդամներուն ըսած է, որ պատերազմը պիտի ունենայ երեք հիմնական փուլ:

«Մենք կը գտնուինք առաջին փուլի մէջ, ուր ռազմական արշաւ տեղի կ՚ունենայ (օդային հարուածներով), իսկ աւելի ուշ պիտի սկսի (ցամաքային) գործողութիւն՝ նպատակ ունենալով ոչնչացնել դաշտայինները եւ վնասել ենթակառուցուածքները՝ ՀԱՄԱՍ-ը ջախջախելու եւ ոչնչացնելու համար», ըսած է Կալանթ:

Ան նշած է, որ երկրորդ փուլին մարտերը պիտի շարունակուին, բայց աւելի ցած աշխուժութեամբ, քանի որ զօրքերը պիտի աշխատին «վերացնելու դիմադրութեան օճախները»:

«Երրորդ փուլը պիտի ըլլայ Կազայի հատուածին մէջ անվտանգութեան նոր ռեժիմի ստեղծումը, Կազայի հատուածին մէջ առօրեայ կեանքի համար Իսրայէլի պատասխանատւութեան վերացումը եւ Իսրայէլի քաղաքացիներու եւ Կազայի շրջակայքի բնակիչներու համար անվտանգութեան նոր իրականութեան ստեղծումը», -ըսած է ան։