3.09c
Երեվան
հնգ, փտր 12
Քրեմլը կը հաղորդէ, որ կողմերը քննարկած են նաեւ Լեռնային Ղարաբաղի մէջ տիրող իրավիճակը։
«Լեռնային Ղարաբաղի շուրջ իրավիճակի քննարկումը շարունակուած է Ռուսաստանի, Ատրպէյճանի եւ Հայաստանի ղեկավարներու՝ 2020 թ. 9 նոյեմբերի եւ 2021 թ. 11 յունուարի յայտարարութիւններուն մէջ արձանագրուած համաձայնութիւններու կատարման ծիրէն ներս: Նկատի առնուած է Ռուսաստանի եւ Թուրքիոյ գործողութիւններու համակարգումը` ի շահ տարածաշրջանի ընկերային-տնտեսական զարգացման: Կողմերը գոհունակութիւն յայտնած են հրադադարի ռեժիմի վերահսկման ռուս-թրքական համատեղ կեդրոնի աշխատանքներու մեկնարկի կապակցութեամբ»,- գրուած է հաղորդագրութեան մէջ:
Փութինն ու Էրտողանը անդրադարձ կատարած են նաեւ սուրիական կարգաւորման թեմային: Իտլիպ նահանգի մէջ իրավիճակը կայունացնելու Ռուսաստանի եւ Թուրքիոյ ջանքերու լոյսի ներքոյ հաստատուած է փոխադարձ նուիրուածութիւնը Սուրիոյ մէջ հաստատուած միջազգային ահաբեկչական խմբաւորումներու դէմ անզիջում պայքարին: Կողմերը մտադրութիւն յայտնած են հետագայ աջակցութիւն ցուցաբերել միջսուրիական քաղաքական գործընթացին, այդ շարքին՝ Աստանայի ձեւաչափի շրջագիծէն ներս:
Բացի անկէ, Վլատիմիր Փութինը եւ Էրտողանը նշած են ՄԱԿ-ի օժանդակութեամբ Լիպիոյ մէջ անցումային իշխանութեան մարմիններու ձեւաւորման կարեւորութիւնը երկրին մէջ երկարաժամկէտ կարգաւորում ապահովելու համար:
Քրեմլը նաեւ հաղորդած է, որ ՌԴ նախագահն իր թուրք գործընկերոջ ցաւակցութիւն յայտնած է Իրաքի մէջ Թուրքիոյ 13 քաղաքացիներու ողբերգական մահուան կապակցութեամբ։
