28.09c
Երեվան
շբթ, օգս 16
Հարաւային Կովկասի եւ Վրաստանի ճգնաժամի հարցերով Եւրոմիութեան յատուկ ներկայացուցիչ Թոյվօ Քլաար յայտարարած է, որ Կարմիր խաչի միջազգային կոմիտէն պէտք է ազատ գործէ: Այս մասին ան գրած Է իր Twitter-ի էջին՝ բաժնեկցելով Կարմիր խաչի միջազգային կոմիտէի յայտարարութիւնը։
«Կարմիր խաչի միջազգային կոմիտէն հսկայական աշխատանք կը կատարէ շատ բարդ պայմաններու մէջ։ Կարեւոր է, որ անոնք կարողանան ազատ գործել: Եւրոմիութիւնը լրջօրէն կը վերաբերի անոնց նախազգուշացումներուն», - գրած է Քլաար։
Յիշեցնենք, որ Կարմիր Խաչի միջազգային կոմիտէն (ԿԽՄԿ) յայտարարութիւն տարածած էր՝ նշելով, որ հակառակ յամառ ջանքերուն, ներկայիս ի վիճակի չէ մարդասիրական օգնութիւն հասցնել խաղաղ բնակչութեան Լաչինի միջանցքով կամ այլ ուղիներով, ներառեալ Աղդամը: Կազմակերպութիւնը կոչ ըրած է համապատասխան որոշում կայացնողներուն թոյլ տալու Կարմիր Խաչի միջազգային կոմիտէին վերսկսիլ իր էական մարդասիրական գործունէութիւնը տարածքին մէջ:
