8.09c
Երեվան
ուրբ, հկտ 31
Մենք երկրի վրայ գանձ մը կորսնցուցինք, բայց երկինքը փոքրիկ հրեշտակ մը շահեցաւ: Այո՛, Կապին իսկապէս հրեշտակ է։ Կ՛աղօթենք որ Աստուած օրհնէ Կապիի բարի եւ քաղցր յիշատակը, եւ Սուրբ Հոգւոյն մխիթարութիւնը պարգեւէ ընտանեկան բոլոր պարագաներուն:
Մեծի Տանն Կիլիկիոյ Կաթողիկոսութեան ԱՄՆ Արեւելեան Թեմի նուիրեալ քահանայ Տ. Մեսրոպ Աւ. Քհնյ. Լագիսեան կը գրէ՝
Կապրիէլլա (Կապի) Իսկէնտէրեանի կեանքը ցաւալիօրէն քանակով կարճ եղաւ, բայց որակով ուսանելի:
Առաջին անգամ, ես փոքրիկն Կապիին հանդիպեցայ Կիրակի, Մարտ 23, 2025-ին, Սուրբ Պատարագէն անմիջապէս ետք, երբ ծունկի եկած կ՛աղօթէր Սբ. Լուսաւորիչ Մայր Եկեղեցւոյ խորանին առջեւ: Այդ օր մտերմացանք ու ընկերներ դարձանք, ծանօթացայ առողջական վիճակին եւ մինչեւ Հոկտեմբեր 1, զանազան առիթներով հանդիպեցանք եւ միշտ աղօթեցինք իրարու համար: Հակառակ իր առողջական ծանր վիճակին, ժպիտը դէմքին, անսահման սէրը Աստուծոյ եւ ընտանիքին, ինչպէս նաեւ ծննդավայր Հայաստանի նկատմամբ, մնացին տիրական ներկայութիւն իր կարճ՝ սակայն իմաստալից կեանքին:
Այս քանի մը տողերով կ՛ուզեմ յարգել եւ յիշել Կապիի դրական ազդեցութիւնը զոր ունեցաւ զինք ճանչցողներուս վրայ, նոյնիսկ եթէ ան ապրեցաւ շատ կարճ, միայն 6 տարիներ այս երկրի վրայ:
Մենք երկրի վրայ գանձ մը կորսնցուցինք, բայց երկինքը փոքրիկ հրեշտակ մը շահեցաւ: Այո՛, Կապին իսկապէս հրեշտակ է։ Կ՛աղօթենք որ Աստուած օրհնէ Կապիի բարի եւ քաղցր յիշատակը, եւ Սուրբ Հոգւոյն մխիթարութիւնը պարգեւէ ընտանեկան բոլոր պարագաներուն:
Աստուած Հոգին Լուսաւորէ
