-3.91c
Երեվան
շբթ, փտր 22
Իտալիոյ Նարտօ քաղաքին մէջ, կրօնական եւ մշակութային ձեռնարկներու շաբաթով մը՝ Փետրուար 13-22ը կը յիշատակուի քաղաքի հովանաւոր Սուրբը՝ Սան Կրեկորիոն (Գրիգոր Լուսաւորիչ՝ Հայաստանեայց Առաքելական Եկեղեցւոյ հիմնադիրն ու առաջին պաշտօնական առաջնորդը)։
Այս մասին «Արեւելք» տեղեկացաւ Փարիզի «Նոր Յառաջ» պարբերականէն։
Ստորեւ այդ մասին հրապարակուած լուրը՝
Իտալիոյ Նարտօ քաղաքը կը նշէ իր հովանաւոր սուրբը՝ Սան Կրեկորիօն (Գրիգոր Լուսաւորիչ՝ Հայաստանեայց Առաքելական Եկեղեցւոյ հիմնադիրն ու առաջին պաշտօնական առաջնորդը), կրօնական եւ մշակութային ձեռնարկներու շաբաթով մը՝ Փետրուար 13-22: Քաղաքի Եղբայրակցութիւնները միաւորող Սեթթենարիոյով սկսած են տօնակատարութիւնները Մայր Տաճարին մէջ:
Կարեւոր պահ մը պիտի ըլլայ Փետրուար 15-ին տասնամեակներու անգործութենէ ետք վերանորոգուած տաճարի պատմական բազմաձայն երգեհոնի բացումը: Տօնակատարութիւնները պիտի հասնին իրենց գագաթնակէտին Փետրուար 19-ին՝ կարդինալ Տոմինիք Մամպերթիի եւ Ֆերնանտօ եպիսկ. Ֆիլոկրանայի գլխաւորութեամբ հանդիսաւոր պատարագով մը, որմէ ետք պիտի կազմուի մեծ թափօր մը:
Փետրուար 20-ին, Փիացցա Սալանտրայի մէջ արարողութիւն մը պիտի ոգեկոչէ 1743-ի երկրաշարժի զոհերը: Փառատօնը պիտի ներառէ նաեւ տօնավաճառ, լուսային ցուցադրութիւններ եւ համերգներ, ներառեալ՝ մոմավառութեան երեկոյթ մը Քաղաքային թատրոնին մէջ (Փետրուար 18) եւ Թեպայտէ տ՚Իթալիա Սիմֆոնիք Նուագախումբի ելոյթ մը (Փետրուար 20):
Տօնակատարութիւնները պիտի աւարտին Փետրուար 22-ին՝ Վիա Կրասսիի վրայ Անթոնիօ Քասթրինեանոյի եւ Թարանթա Սաունտսի համերգով մը:
