4.09c
Երեվան
ուրբ, փտր 13
Ամերիկեան ուժերը լքած են Սուրիոյ հարաւը գտնուող Ալ Թանֆ ռազմակայանը, որ կը գտնուի Յորդանանի եւ Իրաքի սահմաններու մօտ, ու տեղափոխուած են Յորդանանի տարածք։ Այդ մասին յայտնած է AFP-ն՝ յղում ընելով սուրիական երկու ռազմական աղբիւրի։
Անոնց խօսքով՝ զօրքերու դուրսբերումն աւարտած է, ամերիկեան կողմն ալ վերջին 15 օրուան ընթացքին դուրս բերած է սարքաւորումները։ Աղբիւր մը պարզաբանած է, որ սուրիական ստորաբաժանումներն արդէն սկսած են տեղակայուիլ ռազմակայանին մէջ:
Սուրիոյ պաշտպանութեան նախարարութիւնը հաստատած է, որ բանակի ստորաբաժանումներն ամերիկեան կողմի հետ համակարգուած վերահսկողութեան տակ վերցուցած են Ալ Թանֆ ռազմակայանը: Ըստ տեղեկութիւններու՝ ԱՄՆ զինուած ուժերը մտադիր են շարունակել համակարգումը Յորդանանէն։
Մինչեւ վերջերս ամերիկեան զինուժը տեղակայուած էր Սուրիոյ հիւսիս-արեւելքը, որ կը վերահսկէին քրտական կազմաւորումները, ինչպէս նաեւ Ալ Թանֆ ռազմակայանին մէջ, որ առանցքային դեր կը խաղար միջազգային դաշինքի գործողութիւններուն մէջ «Իսլամական պետութիւն» ահաբեկչական խմբաւորման դէմ պայքարին մէջ: Կայանը ստեղծուած է 2014 թուականին՝ որպէս «Իսլամական պետութեան» դէմ միջազգային դաշինքի գործողութիւններու հիմնական կեդրոն։
