5.09c
Երեվան
կրկ, դկտ 10
Հազարաւոր իսրայէլցի ցուցարարներ երեքշաբթի՝ 11 յուլիսիսն, դուրս եկած են փողոցներ ու փակած դէպի Երուսաղէմ, Հայֆա եւ Թէլ Աւիւ տանող մայրուղիները՝ իերնց բողոքը արտայայտելով ընդդէմ կառավարութեան ծրագրած դատական փոփոխութիւններու, որ պառակտած է երկիրը: Այս մասին գրած է AP-ն։
Ցոյցերը սկսած են առաւօտեան, երբ վարչապետ Բենիամին Նաթանիահուի խորհրդարանական դաշինքը նախնական հաւանութիւն տուած է Գերագոյն դատարանի վերահսկողութեան լիազօրութիւնները սահմանափակող օրինագծին՝ առաջ մղելով դատական համակարգին մէջ առաջարկուող վիճելի փոփոխութիւնները՝ հակառակ համատարած ընդդիմութեան:
Օրէնսդրութիւնը Նեթանիահուի ծայրայեղ ազգայնական եւ ծայրայեղ ուղղափառ դաշնակիցներու կողմէ առաջարկուած քանի մը օրինագիծերէն մէկն է: Ծրագիրն ամիսներ շարունակ բողոքի ցոյցեր առաջացուցած է հակառակորդներու կողմէ, որոնք ըսած են, որ այն երկիրը կը մղէ միապետական կառավարման:
Երեքշաբթի օր ռազմական «սայպըր» ստորաբաժանման 300 պահեստազօրայիններ ստորագրած են նամակ, որու համաձայն՝ կամաւոր պիտի չծառայեն՝ բացատրելով, որ կառավարութիւնը ցոյց տուած է, որ «վճռական է ոչնչացնելու Իսրայէլ պետութիւնը»:
«Չարութեան համար օգտագործելու ներուժ ունեցող զգայուն «սայպըր» կարողութիւնները պէտք չէ տրուին յանցագործ կառավարութեան, որ կը խարխլէ ժողովրդավարութեան հիմքերը», -ըսուած է նամակին մէջ:
Ոստիկանութիւնը ջրցան մեքենաներ կիրառած է ցուցարարները հեռացնելու համար, որոնք փակած են Երուսաղէմ տանող հիմնական ճանապարհը:
Անոնք ձերբակալած են եւս մի քանին, որոնք խոչընդոտած էին կեդրոնական Մոտիին քաղաքի հարեւանութեամբ մայրուղիի գործունէութիւնը: Ցուցարարները փակած են Հայֆայի գլխաւոր մայրուղին «Միասին մենք յաղթող պիտի ըլլանք» գրութեամբ մեծ պաստառով:
Ոստիկանութիւնը յայտնած է, որ բողոքի ցոյցերու ընթացքին հասարակական անկարգութիւններու համար ձերբակալուած է 42 մարդ:
