21.09c
Երեվան
հնգ, մյս 07
Իրանը կրնայ հինգշաբթի օր միջնորդներուն փոխանցել հակամարտութեան դադրեցման վերաբերեալ ԱՄՆ-ի առաջարկի պատասխանը: Այս մասին յայտնած է CNN հեռուստաալիքը՝ յղում ընելով տարածաշրջանի իր աղբիւրին:
«Կ՚ակնկալուի, որ Իրանը այսօր պիտի փոխանցէ իր պատասխանը միջնորդներուն՝ պատերազմի աւարտի վերաբերեալ ԱՄՆ-ի առաջարկի կապակցութեամբ»,- յայտնած է հեռուստաալիքը:
Յիշեցնենք, որ Axios հարթակը, յղում ընելով ամերիկացի պաշտոնեաներուն, աւելի վաղ յայտնած էր, որ Միացեալ Նահանգները կը սպասէ փոխըմբռնման յուշագրի իրենց առաջարկի վերաբերեալ Իրանի պատասխանին առաջիկայ երկու օրուան ընթացքին: Ատկէ առաջ ԱՄՆ նախագահ Տանըլտ Թրամփը յայտարարած էր, որ Իրանի հետ բանակցութիւններուն մէջ վերջնաժամկէտ չի սահմաներ, սակայն վստահ է գործարքի ձեռքբերման հարցով:
