image

Իրան միտք ունի աթոմային աղազերծիչ կայան կառուցել Պուշահրի մէջ

Իրան միտք ունի աթոմային աղազերծիչ կայան կառուցել Պուշահրի մէջ

Իրանի իշխանութիւնները կը ծրագրեն Պուշեհրի երկու նոր հիւլէական կայանի պլոքները օգտագործել ծովի ջուրի աղազերծիչ գործարան կառուցելու համար: 14 Օգոստոսի երեկոյեան այդ մասին հաղորդած Է Իրանի Press TV հեռուստաալիքը, կը տեղեկացնԷ «Արմէնփրէս»-ը:

Պուշեհրի նահանգապետ Ահմատ Մոհամատիզատէի տեղեկատւութեամբ՝ աթոմային աղազերծիչ կայանի նախագիծի փաստական իրականացումը պիտի սկսի օգոստոսի վերջը: Շինարարութեան պիտի մասնակցի նաեւ Իրանի Աթոմային ուժանիւթի կազմակերպութիւնը: Ինչպէս նշած Է հեռուստաալիքը, Պուշեհրի աթոմակայանն ընթացիկ վիճակի մէջ կրնայ արտադրել մէկ ժամուան մէջ շուրջ մէկ կիկաուաթ ելեկտրականութիւն շահագործման մէջ գտնուող մէկ հիւլէական պլոքի աշխատանքի հաշուոյն:

Ընթացիկ պահուն այդ միակ գործող Աթոմային ելեկտրակայանն Է Իրանի մէջ: Այն կառուցուած Է ռուսական կողմի օգնութեամբ: 2014 թուականին Ռուսիա եւ Իրանն ստորագրած են համաձայնագիր Պուշեհրի մէջ եւս երկու ուժանիւթի պլոքներու կառուցման շուրջ:

Ատոնք ալ, ինչպէս նշած Է Press TV-ն, կը ծրագրուի օգտագործել այդ շարքին աղազերծիչ կայանքներն ելեկրականութեամբ մատակարարելու համար: Ըստ ծրագրի՝ ատոնք պիտի կարողանան արտադրել օրական մինչեւ 150 հազար խորանարդ մեթր խմելու ջուր: