14.09c
Երեվան
կրկ, հկտ 25
Վարչապետ Նիկոլ Փաշինեան Աջափնեակ վարչական շրջանին մէջ քաղաքացիներու հետ զրոյցի ընթացքին ներկայացուցած է ներդրումային ծրագիրով եւ բնակիչներու համաձայնութեամբ նոր թաղամաս կառուցելու գաղափարը։
Վարչապետը Հոկտեմբեր 24-ին Երեւանի մէջ շրջապտոյտի ընթացքին նշած է, որ հնարաւոր տարբերակներէն մէկը ներդրողներուն եւ բնակիչներուն միջեւ ուղղակի բանակցութիւններու վարումն է։
«Մեծ ինվեստիցիոն (ներդրումային) ծրագիր է պէտք անել, որ գան մարդիկ, ընդ որում՝ պետութիւնը չխառնուի, գան ձեզ հետ բանակցեն։ Կամ ձեզնից ձեր տները առնեն, կամ էլ պարտաւորուեն նորակառոյց շէնքում տուն տան»,– ըսած է Փաշինեան։
Անոր ներկայացուցած տարբերակին համաձայն՝ շինարարութեան ընթացքին պէտք է ապահովուի նաեւ բնակիչներուն ժամանակաւոր բնակութիւնը։
Վարչապետը շեշտած է բնակիչներուն համաձայնութեան անհրաժեշտութիւնը՝ նշելով, որ այդ պարագային կարելի պիտի ըլլայ տարածքին մէջ բոլորովին նոր մօտեցումով թաղամաս մը կառուցել։
