16.09c
Երեվան
հնգ, մրտ 26
Իրանը մերժած է Ուաշինկթընի ներկայացուցած առաջարկը Մերձաւոր Արեւելքի մէջ հրադադարի շուրջ եւ պատասխան առաջարկ ներկայացուցած է ամերիկեան կողմին։ Այս մասին հաղորդած է իրանական Press TV-ն՝ վկայակոչելով անանուն պաշտօնեայ։
«Իրանը պիտի դադրեցնէ պատերազմը այն ժամանակ, երբ ինք որոշէ այդ ընել, եւ երբ իր պայմանները բաւարարուին»,– ըսած է պաշտօնեան՝ աւելցնելով, որ Թեհրանը պիտի շարունակէ «ծանր հարուածներ» հասցնել ամբողջ Մերձաւոր Արեւելքի մէջ։
Փոխարէնը, ըստ իրանցի պաշտօնեային, Թեհրանը ներկայացուցած է իր սեփական հինգ կէտերէ բաղկացած ծրագիրը, որ կը ներառէ հետեւեալ պայմանները՝ իրանցի պաշտօնատարներու սպանութիւններու դադրեցում, միջոցներ՝ որպէսզի այլեւս Իրանի դէմ պատերազմ չծաւալի, փոխհատուցում Իրանի դէմ պատերազմի համար, ռազմական գործողութիւններու աւարտ եւ Իրանի ինքնիշխանութեան իրագործում Հորմուզի նեղուցին նկատմամբ։
Աւելի վաղ հաղորդուած էր, որ Իրանին փոխանցուած է Մերձաւոր Արեւելքի մէջ պատերազմի դադրեցման վերաբերեալ 15 կէտէ բաղկացած ամերիկեան ծրագիրը, որ կը վերաբերէր պատժամիջոցներու մեղմացման, Իրանի միջուկային ծրագրի դադրեցման, հրթիռներու քանակի սահմանափակման եւ Հորմուզի նեղուցի բացման։ Ըստ աղբիւրներու՝ ան նաեւ կը ներառէր Իրանի կողմէ զինեալ խմբաւորումներուն աջակցութեան սահմանափակումներ։
