5.09c
Երեվան
չրք, դկտ 18
Հայաստանի մէջ Եւրոպական Միութեան դիտորդական առաքելութեան գրասենեակ այցելած է Հոլանտայի դեսպան Մարիքէ Մոնրոյ Վինթերը, որու մասին կը տեղեկանանք առաքելութեան X-ի էջէն:
«Պատիւ է Եւրոպական Միութեան առաքելութեան գրասենեակին մէջ հիւրընկալել Հայաստանի մէջ Հոլանտայի դեսպան տիկին Մարիքէ Մոնրոյ Վինթերը: Անոր զեկուցուած է տեղւոյն մէջ առաքելութեան գործունէութեան մասին: Ան հանդիպած է Հոլանտայի անձնակազմին եւ Խաչիկ գիւղի տարածքին մէջ միացած է պարեկութեան: Ներկայիս Եւրոպական Միութեան առաքելութեան մէջ կ՚աշխատի 7 հոլանտացի փորձագէտ», -ըսուած է հրապարակման մէջ։
