-2.91c
Երեվան
շբթ, հնվ 24
Հայաստանի վարչապետ Նիկոլ Փաշինեանը Տաւոսի մէջ ստորագրած է Խաղաղութեան խորհուրդի կանոնադրութիւնը։
ՀՀ վարչապետը Խաղաղութեան խորհուրդի կանոնադրութեան ստորագրման արարողութեան մասնակցած է Միացեալ Նահանգներու նախագահ Տանըլտ Թրամփի հրաւէրով։
Իր ելոյթին մէջ Թրամփ կրկնած է այն պնդումը, որ պաշտօնը ստանձնելէն ի վեր ինքը վերջ դրած է ութ պատերազմի, այդ շարքին՝ Հայաստանի եւ Ատրպէյճանի միջեւ։
Ան աւելցուցած է, որ մէկ այլ կարգաւորում «կը սպասուի շատ շուտով»՝ նկատի ունենալով Ուքրանիան:
Աւելի վաղ ՀՀ վարչապետը Միացեալ Նահանգներու նախագահէն ստացած էր Խաղաղութեան խորհուրդին որպէս հիմնադիր անդամ միանալու առաջարկ, որ ընդունած էր։
Յունուար 22-ին Տաւոսի մէջ տեղի ունեցած է Խաղաղութեան խորհուրդի կանոնադրութեան ստորագրման արարողութիւնը, եւ ի թիւս այլ երկիրներու ղեկավարներու՝ այն ստորագրած է նաեւ ՀՀ վարչապետ Նիկոլ Փաշինեանը։
Նիկոլ Փաշինեանը կանոնադրութիւնը ստորագրելու հրաւէրուած է Արժանթինի նախագահ Խավիէր Միլէյի հետ։
