17.09c
Երեվան
երք, հնս 17
Օրերս Գորիս քաղաքին մէջ տեղի պիտի ունենայ յատուկ միջոցառում, որուն ընթացքին քաղաքի բնակիչներուն պիտի ներկայացուի ընտանեկան բժշկութեան շարժական խմբակի գործունէութիւնն ու յառաջիկայ ընելիքները։
Այս մասին «Արեւելք» տեղեկացաւ ՀԲԸՄ-ի Հայաստանեան գրասենեակէն, որ այս առթիւ ալ հրապարակած է հաղորդագրութիւն մը։
Հաղորդագրութեան մէջ նշուած է ՝
«SOS Սյունիքի գյուղեր»-ը ամբուլատոր շարժական բժշկական կայանի գործարկման ծրագիր է, որտեղ ներգրավված են բժիշկներ և հոգեբաններ, որոնք աշխատելու են տարբեր համայնքային բուժկետերում աշխատող բժիշկների հետ հանատեղ:
Էլեկտրասրտագրիչով, ուլտրաձայնային սկաներով, դեղամիջոցներով և կենսաբանական անալիզի սարքավորումներով հագեցած այս շարժական բժշկական կայանը խորհրդատվություն է անցկացնելու Սյունիքի հեռավոր գյուղերում գտնվող բնակչության շրջանակում, քանի որ այս սարքավորումների հասանելիությունը ընդհանուր բժշկությանը խիստ սահմանափակ է, հատկապես 2020 թ. Արցախյան 44-օրյա պատերազմից հետո։ Այս ծրագիրը մեկնարկել է 2021 թ. հոկտեմբերի 1-ին՝ բժիշկների վերապատրաստմամբ։ Զուգահեռաբար ուսումնասիրվել են Սյունիքի բնակչության կարիքները. անվճար ընդհանուր խորհրդատվություն է առաջարկվել Խնածախի, Բարձրավանի, Շուռնուխի, Որոտանի, Վերիշենի, Խոզնավարի, Վաղատուրի և Կոռնիձորի բնակիչներին։
Շարժական կայանի բժշկական թիմի կանոնավոր մոնիտորինգը կատարվում է Santé Arménie-ի ընդհանուր բժշկության խմբի կողմից՝ վեբինարների և մասնագիտական խորհրդատվական հանդիպումների միջոցով՝ դրա արդյունավետությունը օպտիմալացնելու համար:
Առաջիկայում այս ծրագիրը կներդրվի նաև Հայաստանի մյուս մարզերում և Արցախում։
ՀԲԸՄ Ֆրանսիայի գրասենյակը հանդիսանում է Santé Arménie նախաձեռնության հիմնադիր անդամ։
