26.09c
Երեվան
շբթ, օգս 09
Հայաստանի վարչապետ Նիկոլ Փաշինեանը, ԱՄՆ նախագահ Տանըլտ Թրամփը եւ Ատրպէյճանի նախագահ Իլհամ Ալիեւը համատեղ հռչակագիր ստորագրեցին «Միջազգային խաղաղութեան եւ բարգաւաճման համար Թրամփի երթուղի»ի համար (Trump Route for International Peace and Prosperity)․ այն յայտնի պիտի ըլլայ TRIPP յապաւմամբ։
Ինչպէս հաղորդած է «Արմէնփրէս»-ի թղթակիցը Ուաշինկթընէն, ՀՀ վարչապետը, ԱՄՆ նախագահն ու Ատրպէյճանի նախագահը համատեղ հռչակագիրը ստորագրած են օգոստոս 8-ին Սպիտակ տան մէջ կայացած եռակողմ հանդիպումէն ետք։
Նշուած է, որ ԱՄՆ նախագահը պիտի ստարագրէ որպէս վկայ, իսկ ՀՀ վարչապետն ու Ատրպէյճանի նախագահը, ստորագրելով փաստաթուղթը, պիտի հաստատեն իրենց ուղին դէպի խաղաղութիւն, բարեկեցություն եւ կայունութիւն։
