Հայաստանի ջրամատակարարման պատասխանատու «Վեոլիա ջուր» ընկերութիւնը կ'ուզէ զգալիօրէն բարձրացնել իր սակագիները մինչեւ 223,7 դրամ մէկ խորանարդ մեթրի համար ներկայիս 180-ի փոխարէն։ Տեղեկութիւնը յայտնած է ՀԾԿՀ պաշտօնական էջը։
Հիմնական կ'առաջարկուի սակագինի բարձրացում ընդհանուր գնաճի պատճառով: ՀՀ կառավարութեան հետ պայմանագրին մէջ նշուած է, որ սակագինը կրնայ բարձրանալ ելեկտրական ուժանիւթի թանկացման եւ գնաճի պատճառով (որ տարեսկիզբէն կազմած է 5,7%):
Սկզբնական շրջանին` 2017 թուականէն սկսեալ, սակագինը կը սահմանուէր 180 դրամ մէկ խորանարդ մեթրի համար, եւ կ'ենթադրուէր, որ պիտի բարձրանայ վերջին քանի մը տարիներուն (2021 թուականին այն պէտք է ըլլար 211 դրամ): Բայց 180 դրամը գերազանցող մասը կառավարութիւնը նպաստաւորեց (սուբսիդաւորեց) այնպէս, որ սպառողներու համար այն չգերազանցեց 180 -ը: Այսպիսով, ըստ էութեան, սակագինը 191,4 դրամ էր, որմէ 11,4 դրամը նպաստաւորեց պետութիւնը:
Այժմ «Վեոլիա ջուրը» գնաճի հիման վրայ դիմած է վերջին տարուան համար սակագինի բարձրացման խնդրանքով եւ առաջարկած է սակագինը աւելցնել 12.34 դրամով։ Հաշուի առնելով նուազման այլ գործակիցներ` սակագինի յայտը առանց ԱԱՀ -ի պիտի կազմէ 186.45 դրամ, իսկ ԱԱՀ -ով 223.7 դրամ:
Դեռ յայտնի չէ՝ յանձնաժողովը պիտի ընդունի նման սակագինը ամբողջութեամբ, թէ մասամբ, եւ ատոր որ մասը պիտի նպաստաւորուի պետութեան կողմէ: