2.09c
Երեվան
շբթ, փտր 28
ՀՀ փոխվարչապետ Մհեր Գրիգորեան 3 նոյեմբերին Պրիւքսէլի մէջ պիտի մասնակցի սահմանազատման եւ սահմանային անվտանգութեան հարցերով յանձնաժողովներու երրորդ նիստին։ Տեղեկութիւնը յայտնած է ՀՀ Արտաքին գործոց նախարարութեան մամուլի խօսնակ Վահան Յունանեան։
«Հայաստանի Հանրապետութեան եւ Ատրպէյճանի միջեւ պետական սահմանի սահմանազատման եւ սահմանային անվտանգութեան հարցերով յանձնաժողովի անդամները` փոխվարչապետ Մհեր Գրիգորեանի գլխաւորութեամբ, նոյեմբերի 3-ին Պրիւքսէլում կը մասնակցեն սահմանազատման եւ սահմանային անվտանգութեան հարցերով յանձնաժողովների երրորդ նիստին»,–գրած է Յունանեան դիմատետրեան իր էջին։
Յիշեցնենք՝ 30 օգոստոսին Մոսկուայի մէջ տեղի ունեցած էր Հայաստանի եւ Ատրպէյճանի միջեւ պետական սահմանի սահմանազատման ու սահմանային անվտանգութեան հարցերով յանձնաժողովի ու Ատրպէյճանի եւ Հայաստանի միջեւ պետական սահմանի սահմանազատման պետական յանձնաժողովի երկրորդ նիստը։
Իսկ 24 մայիսին Հայաստանի եւ Ատրպէյճանի միջպետական սահմանին տեղի ունեցած էր Մհեր Գրիգորեանի եւ Ատրպէյճանի փոխվարչապետ Շահին Մուսթաֆաեւի առաջին հանդիպումը։
