20.02c
Երեվան
չրք, հնս 24
Ուքրանիոյ մէջ ռազմական գործողութիւններու սկիզբէն, պատժամիջոցային պատերազմի մեկնարկէն եւ փոխադրական կարգ մը շղթաներու խափանումէն անմիջապէս ետք համաշխարհային շուկաներու մէջ հացահատիկի գիները բարձրացան, իսկ մինչեւ ամառ նոյն կերպ կտրուկ նուազեցան (ցորենի համար ինկած էին մօտ 40 տոկոսով, եգիպտացորենի համար՝ 25 տոկոսով):
Այս պայմաններուն Հայաստան աւելցուցած է հացահատիկի ներմուծումը։ Մասնաւորապէս, 2022 թուականի առաջին կիսամեակին հանրապետութիւն ներկրուած է 187 392 թոն հացահատիկ (սա կը ներառէ եգիպտացորենի եւ գարիի ներմուծման տուեալները՝ համապատասխանաբար 38 998 թոն եւ 18 176 թոն)՝ 47 մլն տոլար ընդհանուր ծաւալով։
Ցորենի ներմուծումը կազմած է 130218 թոն՝ 34,4 մլն տոլար արժողութեամբ։
2021 թուականի առաջին կիսամեակին Հայաստան ներմուծուած է 166 289 թոն հացահատիկ (ներառեալ եգիպտացորենի եւ գարիի ներմուծման տուեալները՝ համապատասխանաբար՝ 66 666 թոն եւ 34 584 թոն)՝ 33,8 մլն տոլար ընդհանուր արժողութեամբ։
Ցորենի ներմուծումը կազմած է 65 039 թոն՝ 14,4 մլն տոլար արժողութեամբ։
Կը ստացուի, որ 2022 թուականի առաջին կիսամեակին հացահատիկի ներմուծումը նախորդ տարուայ նոյն ժամանակահատուածի համեմատ աճած է 12 տոկոսով, իսկ ցորենի ներմուծումը՝ կրկնակի։
Հայաստան հացահատիկ կը ներկրուի հիմնական Ռուսաստանէն, ուրկէ, ըստ որոշ կանխատեսումներու, 2022 թուականին ցորենի արտահանումը պիտի աճի մինչեւ 32-33 մլն թոն։
Արամ Դանիելեան
News.am
