20.09c
Երեվան
չրք, մյս 06
Վրաստանի նախկին նախագահ Միխեիլ Սահակաշվիլին յայտարարած է, որ կալանքի տակ գտնուելով՝ կը մահանայ։ Քաղաքական գործիչը յօդուած գրած է Politico հրատարակութեան համար, որ յանձնած է փաստաբանի միջոցով։
«Երբ ես վերադարձայ Վրաստան 2021 թուականի հոկտեմբերին, ութ տարուան աքսորէն ետք՝ աջակցելու ազատ եւ արդար խորհրդարանական ընտրութիւններուն, ես առողջ, եռանդուն 54-ամեայ տղամարդ էի: Այնուհետեւ ինծի անմիջապէս ձերբակալեցին վրացական իշխանութիւնները: Այդ ժամանակէն ի վեր ես կալանքի տակ եմ, առողջութիւնս արագ վատացաւ, ես հիմա քաղբանտարկեալ եմ, եւ ես կը մեռնիմ»,-ըսած է ան։
Քաղաքական գործչի խօսքով՝ ինքը այժմ կը տառապի «բանտին մէջ ձեռք բերած 20-է աւելի լուրջ հիւանդութեան պատճառով»:
Քաղաքական գործիչը պնդած է, որ իր հաւանական մահը Վրաստանի մէջ «քաղաքական քաոս» պիտի առաջացնէ, իսկ Ռուսիոյ մէջ այդ, իբր, յաղթանակ կը համարեն: Ան նաեւ իր առողջական վիճակի համար մեղադրած է Մոսկուան։
