6.09c
Երեվան
հնգ, փտր 26
Ատրպէյճանի պաշտպանութեան նախարարութիւնը, 14 յունիսին, ժամը 11:30-ի սահմաններուն տարածելով ապատեղեկատւութիւն այն մասին, թէ իբր ՀՀ Զինուած ուժերը կրակ բացած է Երասխի հատուածին մէջ տեղակայուած ատրպէյճանական դիրքերու ուղղութեամբ, ստեղծելով տեղեկատուական հիմք, 10-15 վայրկեան անց՝ ժամը 11:45-ի սահմաններուն, նոյն ուղղութեամբ կրակ բացած է Երասխի մէջ օտարերկրեայ ներդրումներու միջոցով կառուցուող մետաղագործական գործարանի ուղղութեամբ, որու հետեւանքով վիրաւորում ստացած է օտարերկրեայ 2 քաղաքացի։
Այս մասին յայտնած է ՀՀ Պաշտպանութեան նախարարութիւնը։
Ատրպէյճանական զինուած ուժերու կրակոցէն վիրաւորում ստացած օտարերկրեայ քաղաքացիներն ազգութեամբ հնդիկներ են։ Անոնք այս պահուն բժշկական օգնութիւն կը ստանան Արարատի բժշկական կեդրոնին մէջ։ Այս մասին Tert.am-ին յայտնած է բժշկական կեդրոնի տնօրէն Արայիկ Սարդարեանը։
Անոր խօսքով՝ վիրաւորներու կեանքին վտանգ չի սպառնար։
«Մէկը կրծքավանդակի շրջանում է վնասուածք ստացել, միւսը՝ ուսայօդի շրջանում։ Վիրահատուել են»,- մանրամասնած է տնօրէնը։
