«Տաւուշը յանուն հայրենիքի» շարժման առաջնորդ Բագրատ սրբազանը ՀՀ արտաքին գործոց նախարարութեան շէնքի մօտ կոչ ըրած է նախարար Արարատ Միրզոյեանին իջնելու ներքեւ եւ ժողովուրդի առջեւ պատասխանելու Ատրպէյճանի նախագահ Իլհամ Ալիեւի եւ Թուրքիոյ նախագահ Ռեճէպ Թայէպ Էրտողանի` վերջին օրերուն հնչեցուցած յայտարարութիւններուն։
«Իջէ՛ք, պատասխանէ՛ք ադրբեջանական բոլոր տեսակի յայտարարութիւններին, որոնք հնչում են մեր պետութեան հասցէին, դուք ի վերջոյ պատասխան տալի՞ս էք, թէ՞ չէք տալիս, ի վերջոյ, այդքան տղամարդկութիւն ունէ՞ք խօսելու, թէ՞ ոչ»,– ըսած է ան։
Սրբազանը աւելցուցած է, որ եթէ նախարարը չիջնէ, ապա ինքը լրագրողներու ու ցուցարարներու հետ վեր պիտի բարձրանայ։
«Եթէ դուք չէք իջնելու եւ հրապարակային չէք խօսելու, ապա ձեր բոլոր ասածները` դաւաճան, գործակալ ու մնացած բոլոր բաները, ձեր վրայ էք վերցրել ու այսուհետ ծառայում էք ոչ թէ ՀՀ–ին, այլ թուրքական ու ադրբեջանական իշխանութիւններին»,– ընդգծած է ան։