19.23c
Երեվան
կրկ, ապր 27
«Արեւելք» (Այնճար) Ինչպէս ամէն տարի այս տարի եւս Այնճարի Հայ Աւետարանական եկեղեցւոյ կազմակերպութեամբ իրագործուած է պատանիներու Սուրբ Գրոց վարժարանը։
Նշենք, որ այս մասին գրառումով մը հանդէս եկած է Այնճարի Հայ Աւետ. Եկեղեցւոյ դիմատետրեան էջը, մասնաւորապէս գրելով՝
Աստուծոյ փառք կու տանք որ այս տարի եւս կրցանք ունենալ Ամառնային Սուրբ Գրոց Վարժարանը։
Այս տարուայ մեր նիւթն էր` «Պատրաստ ես Պտըտելո՞ւ», աշակերտները պաշտամունքներու ընթացքին ծանօթացան բոլոր այն շրջանները, ուր Տէր Յիսուս այցելած և հրաշքներ գործած էր։
Մանուկները հոգեւոր եւ ընկերային պահերուն կողքին ունեցան զանազան գործունէութիւններ. Անոնք ամառնային դպրոցին աւարտին նաեւ առիթը ունեցան երթալու` «Mambo Beach» լողաւազանը և «Megaplay» խաղավայրը եւ ունեցան հաճելի ու անմոռանալի ժամանակ։
Շնորհակալ ենք` Այնճարի Հայ Աւետարանական
Եկեղեցւոյ հովիւէն, հոգաբարձութենէն, Ա.Հ.Ա.Ը֊էն, Ք.Ջ. Գործադիր մարմնէն, կամաւոր առաջնորդներէն եւ բոլոր ծնողներէն ու անհատներէն որոնք տարբեր ձեւերով օգտակար դարձան ուրախացնելու մեր մանուկներուն։
