• 75
• 20/02/2025

Արեւելեան Ուաթըթաունի խաչմերուկներէն մէկուն պիտի տրուի Արշիլ Կորքի անունը

Փետրուար 3-ին, ԱՄՆ-ու Մասաչուսեց նահանգի Ուաթըրթաուն քաղաքի Քաղաքային խորհուրդը միաձայնութեամբ քուէարկած է Տեքսթըր պողոտայի եւ Հէյզըլ փողոցի խաչմերուկը Արշիլ Կորքիի անունով կոչելու որոշումը։

Այս մասին «Արեւելք» տեղեկացաւ Փարիզի «Նոր Յառաջ» պարբերականէն։

Աղբիւրը նաեւ նշած է, որ 1915-ի Հայոց ցեղասպանութենէն ճողոպած Կորքի 1920-ի Փետրուարին հասած է Ուաթըրթաուն՝ մաս կազմելով հայ գաղթականներու երկրորդ ալիքին, որոնք Միացեալ Նահանգներ կը գաղթէին հալածանքներէն ազատելու համար։

Ան Ուաթըրթաունի մէջ ապրած է իր քոյրերուն հետ մինչեւ 1924-ի վերջը կամ 1925-ի սկիզբը, ապա՝ փոխադրուած Նիւ Եորք։ Կորքիի ազդեցութիւնը արուեստի պատմութեան վրայ եւ անոր շարունակական ներգործութիւնը ժամանակակից արուեստին վրայ անգնահատելի է։

Խաչմերուկը Կորքիի անունով կոչելու առաջարկը ներկայացուցած են «Արշիլ Կորքիի 100-ամեակ» տօնակատարութեան աշխատանքային խումբի անդամները։

Արշիլ Կորքիի 100-ամեակի տօնակատարութիւնը կը ներառէ որմնանկար մը Ուաթըրթաուն-Քեմպրիճ Կանաչ ճամբուն վրայ, ցուցահանդէս, ֆիլմի ցուցադրութիւն, Կորքիի մասին հաւաքածոյի մը ներկայացումը Ուաթըրթաունի գրադարանին մէջ եւ այլ ձեռնարկներ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել