4.09c
Երեվան
շբթ, փտր 07
26 օգոստոսին Արցախի Հանրապետութեան Ազգային ժողովի նախագահ Դաւիթ Իշխանեան հանդիպած է հանրապետութեան լրատուամիջոցներու ներկայացուցիչներուն հետ: Յայտնած են ԱՀ Ազգային ժողովի լրատուութեան եւ հանրութեան հետ կապերու բաժինէն:
«Խորհրդարանի ղեկավարը ներկայացրել է պաշտօնավարման 20-օրեայ գործունէութիւնը, անդրադարձել է արտաքին ու ներքին մարտահրաւէրներին:
Երկրում ստեղծուած բարդ իրավիճակի մեղմացմանն ուղղուած ջանքերին զուգահեռ աշխատանքներ են տարուել խորհրդարանական դիւանագիտութեան ակտիվացման (աշխուժացման), Հայաստանի հետ միջխորհրդարանական կապերի վերագործարկման, բարեկամական խմբերի ու շրջանակների հետ ակտիվ շփումների վերականգնման ուղղութեամբ:
Խօսելով մեր ներուժը հնարաւորինս օգտագործելու անհրաժեշտութեան մասին՝ Ազգային ժողովի նախագահը նշել է, որ քննարկուել է արտերկրում գտնուող մեր ներկայացուցչութիւնների աշխատանքները ակտիվացնելու հարցը: Նա շեշտել է համահայկական ջանքերը միաւորելու հրամայականի մասին:
Դաւիթ Իշխանեանը հանդիպումներ ու քննարկումներ է ունեցել նաեւ պետական կառավարման համակարգի ու հասարակական կառոյցների ներկայացուցիչների հետ:
Հանդիպմանն անդրադարձ է կատարուել ներքաղաքական իրավիճակին, խորհրդարանի հեղինակութեան բարձրացման, տեղեկատուական դաշտի խնդիրներին:
Ազատ ու անկեղծ մթնոլորտում լրագրողներն իրենց կարծիքներն են արտայայտել եւ հարցեր ուղղել խորհրդարանի ղեկավարին»,- նշուած է հաղորդագրութեան մէջ:
