2.09c
Երեվան
երկ, դկտ 23
ՀՀ-ի մէջ ԱՄՆ դեսպանութիւնը ուրախ է Երեւանի մէջ հիւրընկալելու ԱՄՆ Եւրոպական հրամանատարութեան ռազմավարութեան, ծրագրման եւ քաղաքականութեան հարցերով տնօրէն զօրավար-մայոր Տանիէլ Լասիքան։ Այս մասին ըսուած է ՀՀ-ի մէջ ԱՄՆ դեսպանութեան տարածած հաղորդագրութեան մէջ:
Նոյեմբեր 16-17-ին նախատեսուող այցի ընթացքին զօրավար-մայոր Լասիքան ծաղկեպսակներ պիտի նդէ Անյայտ զինուորի գերեզմանին եւ Հայոց ցեղասպանութեան յուշահամալիրին մէջ, պիտի հանդիպի ՀՀ պաշտպանութեան նախարար Սուրէն Պապիկեանին, Գլխաւոր շտաբի պետ Էտուարտ Ասրեանին եւ Ազգային անվտանգութեան խորհուրդի քարտուղար Արմէն Գրիգորեանին՝ քննարկելու հայ-ամերիկեան անվտանգային յարաբերութիւններն ու տարածաշրջանային անվտանգութեան հարցերը։
Զօրավար-մայոր Լասիքան պիտի մասնակցի խաղաղապահ ուժերու «Զառ» ուսումնական կեդրոնի նոր զօրանոցներու, ճաշարանի եւ գիտաժողովներու սրահի բացման արարողութեան։
