19.09c
Երեվան
երք, հկտ 06
Թուրքիա- (Լրատուական ծառայութիւններ) Թուրքիոյ մէջ 15 յուլիսին տեղի ունեցած յեղաշրջման ձախողած փորձէն ետք կը շարունակուի յեղաշրջման փորձին մէջ մասնակցութիւն բերած անձերուն ձերբակալման գործընթացը: Պոլսոյ Աթաթիւրք օդակայանին մէջ ծառայութիւն ընող 3 ոստիկաններ եւ 3 քաղաքացիներ անձեր ձերբակալուած են: Անոնք կը մեղադրուին ապստամբներուն տեղեկութիւններ տալու եւ անոնց աջակցելու մէջ: Պոլսոյ մէջ նաեւ 140 դատական համակարգի աշխատող ձերբակալուած է, որոնց մէջ կան դատաւորներ եւ դատախազներ: Քոնիա քաղաքին մէջ եւս 44 դատաւոր եւ դատախազ ձերբակալուած են: Կը շարունակուին ձերբակալութիւնները նաեւ զինուորականներու շրջանակներուն մէջ: Ներկայ պահուս 105 բարձրաստիճան զինուորական ձերբակալուած է, եւ 587 զինուորական: Ձերբակալումները եւ հետաքննութեան գործընթացները կը շարունակուին:
