17.09c
Երեվան
չրք, հկտ 07
Թուրքիոյ մէջ վերջին օրերուն ձերբակալութիւններու նոր ալիք մը սկսած է: Կը ձերբակալուին մասնաւորապէս լրագրողներն ու ակադեմական ոլորտը ներակայացնողները: Հիւրրիյեթ եւ Միլլիյեթ թրքական պարբերականները կը գրեն, որ Թեքիրտաղ քաղաքին Նամըք Քեմալ համալսարանին մէջ 46 անձեր ձերբակալուած են, անոնց մէջ եղած են, 1 ամպիոն վարիչ, 7 դասախօս , 14 դոկտոր , 15 դոկտորի օգնական:
Պոլսոյ 5 կեդրոնական թաղերուն մէջ ալ իրականացուած հետաքննութիւններու հետեւանքով 31 գիտաշխատող ձերբակալուած է, որոնց մէջ կան փրոֆեսորներ: Կասկածեալներու քով Կիւլենական շարժումին մասնակցութիւնը փաստող ապացոյցներու հետ կեղծ գտնուած են մեկտեղ 1 տոլարանոց թղթադրամներ, որու միջոցով Կիւլենական գիտաշխատողները զիրար պիտի ճանչնային:
Բացի ատկէ ձերբակալումներ եղած են նաեւ Սելջուկ համալսարանին մէջ`48 դոկտոր փրոֆէսոր, 167 գիտաշխատող, որոնցմէ 37-ը վարիչ դասախօսներ , 8 հիմնարկներու քարտուղարներ , 1 հիմնարկի ղեկավար եւ 1 տնօրէն ալ պաշտօնաթող եղած են:
Մեծաթիւ ձերբակալութիւններ եղած են նաեւ Ուրֆայի Հարրան համալսարանին մէջ: Պարբերականները իրենց հրապարակումներու մէջ զետեղած են նաեւ ձերբակալուածներու ցուցակը:
