23.09c
Երեվան
չրք, հկտ 14
Թուրքիա գտնուող սուրիացի փախստականները, զրկուած ըլլալով այդ երկրի մէջ որեւէ կերպ ապրուստ ապահովելու հնարաւորութենէ, յաճախ ստիպուած կ'ըլլան վաճառել իրենց ներքին օրկանները: Թրքական «Demokrathaber.net» կայքը, վկայակոչելով այս նիւթի վերաբերեալ գերմանական ARD պետական հեռուստաընկերութեան լրագրական տեղեկատուութիւնը, կը գրէ, որ իրենց ներքին օրկանները վաճառել ուզող փախստականները գնորդներ կը փնտռեն համացանցի միջոցաւ:
Լրագրական տեղեկատուութիւն պատրաստողները, համացանցի մէջ տեղադրուած յայտարարութիւններէն մէկուն հետքերով երթլով, գտած են Ահմէտ անունով սուրիացի փախստականի մը: Ան պատմած է հետեւեալը. «Ես թրքերէն չեմ գիտեր, ծանօթներ չունիմ, աշխատանք չունիմ, տուն չունիմ: Երիկամս կը վաճառեմ, քանի որ ունեցած խնդիրներս լուծելու համար դրամ ճարելու այլ տարբերակ չունեմ»:
Կը նշուի, որ տեղական «շուկայ»ին մէջ օրկաններ կարելի է գտնել 6-11 հազար տոլարով, իսկ օրկաններու պատուաստմամբ զբաղուող մարդիկ 30 հազար տոլարի մօտ գումար կ'առաջարկեն նոյն օրկանին:
Կը նշուի նաեւ, որ աւելի վաղ ներքին օրկաններու վաճառքի դէպքեր յայտնաբերուած էին Լիբանանի մէջ գտնուող սուրիացի փախստականներու շրջանին:
