18.09c
Երեվան
ուրբ, մյս 08
Անցեալ օգոստոսին Հալէպի մէջ եղած ծանր մարտերուն ընթացքին անհետացած հայ զինուոր Յարութ Քահքէճեան սպաննուած է: Նշենք, որ Յարութի անյետացման մասին լուրը «Արեւելք» տուած էր անցնող 15 օգոստոսին: Մեր աղբիւրը օրին հաստատած էր, որ Սուրիոյ բանակին մէջ ծառայող Յարութ Քահքէճեան, որ կը ծառայէր Հալէպի «Ալ Հըքմէ» վարժարանին մօտ եղող դիրքերուն մէջ, օգոստոս ամսուան սկիզբէն ի վեր կը մնար անհետացած: Նշենք, որ Յարութ Քահքէճեանի սպաննուած ըլլալուն լուրը այսօր նոյնպէս տրուեցաւ «Գանձասար» պարբերականին կողմէ: Ըստ նոյն աղբիւրին Քահքէճեանի կողքին նաեւ զոհուած է Ժանo Սեմէրճեան: Սեմերճեանի յուղարկաւորութիւնը տեղի ունեցած է այսօր, ժամը 12:00-ին, Ս. Աստուածածին եկեղեցւոյ մէջ, իսկ Յարութ Քահքէճեանի յուղարկաւորութիւնը տեղի պիտի ունենայ վաղը Լատինաց եկեղեցւոյ մէջ:
