19.09c
Երեվան
երք, հկտ 06
Ֆրանսա- (BBC Arabic-Լոնտոն)-Մահացած է Քաննի շարժանկարի փառատօնի «Ոսկէ արմաւենու ճիւղ» մրցանակի միակ իրանցի դափնեկիր Ապպաս Քիարոստամին: Յայտնի բեմադրիչն ու սցենարիստը մահացած է 76 տարեկանին: Ան կը համարուէր իրանական շարժանկարի «Նոր ալիքի» առաջատարներէն մէկը։ Ապպաս Քիարոստամիի մօտ մարտին ախտորոշուած էր ստամոքսաաղիքային քաղցկեղ: Բեմադրիչը բուժում կը ստանար Ֆրանսայի մէջ, ուր ալ մահացած է: Քիարուստամի Քաննի մէջ գլխաւոր մրցանակի արժանացած էր 1997-ին՝ իր «Բալի համը» ֆիլմի համար: ֆիլմը տղամարդու մը մասին է, որ որոշած է ինքնասպան ըլլալ: Այդ իր շարժանկարի ասպարէզի եօթներորդ աշխատանքն էր: Բեմադրիչը ասպարէզը սկսած էր 20 տարի առաջ՝ մինչ 1979-ի Իրանի իսլամական յեղափոխութիւնը: Իրանցի բեմադրիչը սինեմաշխարհ մուտք գործեց գեղանկարչութենէն եւ կրաֆիք տիզայնի ոլորտէն: Հակառակ յեղափոխութենէն ետք Իրանի մէջ ստեղծուած քաղաքական մթնոլորտին՝ ան այդպէս ալ չլքեց Իրանը: Քիառոստամին մեծ ազդեցութիւն գործած է իրանցի բեմադրիչներու ամբողջ սերունդի մը վրայ եւ անոր գործերը մեծ ընդունելութիւն գտած են արեւմուտքի մէջ:
