26.09c
Երեվան
ուրբ, սպտ 11
«Սիրելի ընկերներ եւ հետեւողներ,
Աւարտուեց ՍիվիլՆեթի եւ Սիվիլիթաս հիմնադրամի հետ իմ 12-ամեայ ճամբորդութիւնը։
Իմ եւ Սիվիլնեթի նոր տնօրինութեան պատկերացումները լրագրութեան մասին (յատկապէս 44-օրեայ աղէտալի պատերազմի օրերից) եւ Հայաստանի հարեւանների հետ յարաբերութիւնների հարցերում (յատկապէս այս նուաստացուցիչ պարտութիւնից յետոյ) անհամատեղելի են։
Իմ արժանապատւութիւնն ու ազատ մտածելու, ազատ գրելու, ազատ խօսելու, ազատ արտայայտուելու լրագրողական ու ստեղծագործական իրաւունքը սակարկութեան եւ սահմանափակման ենթակայ չեն։
Որեւէ լրատուամիջոցում տնօրինութիւնը իրաւունք չունի միջամտել լրագրողի, սիւնակագրի, վերլուծաբանի աշխատանքին։ Դա նոյնքան եւ առաւել անընդունելի է, քան երբ պետութիւնն է ձգտում միջամտել լրատուամիջոցի աշխատանքին։
ՍիվիլՆեթում/ Սիվիլիթաս հիմնադրամում ունեցայ արդիւնաւէտ աշխատանքի 12 տարիներ։ Այս հրաշալի կազմակերպութիւնից հեռանում եմ բաւարարուածութեան եւ հպարտութեան զգացումներով։
Իմ բոլոր գործընկերներին, որոնց հետ պատիւ եւ հնարաւորութիւն ունեցայ աշխատել, մաղթում եմ փրոֆեսիոնալ աշխատանքային գործունէութիւն ապագայում եւս ու նաեւ՝ ընտանեկան երջանկութիւն»:
