14.09c
Երեվան
ուրբ, մյս 08
Այսօր Պէյրութէն Երեւան հասնող ինքնաթիռով լիբանանանահայ Վահէ Հալաճեան 200 քիլոկրամ օժանդակութիւն Հայաստան կը բերէ: Այս մասին «Արեւելք» տեղեկութիւն ստացաւ բարերարէն: Հալաճեան իր նախաձեռնութեան մասին խօսելով ըսաւ. «Մեր կատարածը ազգային պարտականութեան գիտակցումով է, որ կ'ընենք: Նպատակ ունինք օգնութիւն հասցընել Հայաստանի եւ Արցախի կարիքաւոր ընտանիքներուն»: Ան դիտել տուաւ, որ նախաձեռնութիւնը զուտ անհատական է, եւ գործը իրականութիւն դարձած է միայն մէկ շաբթուան ընթացքին: Այս մասին Հալաճեան ըսաւ՚ «Ճիշդը եթէ կ'ուզէք, որոշած էի փոքր օգնութիւն մը կատարել, սակայն երբ բարեկամներս իմացան, գործը մեծցաւ: 5 օրուան ընթացքին 225 քիլո կշռող օգնութիւն հաւաքուեցաւ»,- ըսաւ Հալաճեան նշելով, որ Լիբանանի MEA օդանաւային ընկերութեան մէջ գործող ծանօթ հայ տիկնոջ մը ազնիւ միջամտութեամբ կարելի եղաւ ուղեբեռը Հայաստան բերել նուազագոյն ծախսով: Հալաճեան նաեւ յայտնեց, որ ուղեբեռի Հայաստան բերելու վերաբերեալ յատուկ նամակ մըն պատրաստած է ու լիայոյս է, որ «Զուարթնոց» օդակայանի պատասխանատուներ եւս կը դիւրացնեն իրենց գործը:
