23.33c
Երեվան
հնգ, հլս 23
Տեղեկացնում ենք, որ 16 յունուար 2019ին Արցախում գումարուած ՀՅԴ 33րդ Ընդհանուր ժողովի աշխատանքների 5րդ օրը, անսպասելիօրէն ստացուել է Հայաստանի Հանրապետութեան վարչապետ Նիկոլ Փաշինեանի ողջոյնի ուղերձը: Ստորեւ՝ սոյն ուղրձի բնագիրը.
Կ՝ողջունեմ Հայ Յեղափոխական Դաշնակցութեան 33րդ Ընդհանուր ժողովի պատգամաւորներն ու հիւրերը:
ՀՅԴն անցած է պատմական մեծ ուղի՝ հերոսական ու ողբերգական, երբեմն՝ հակասական ու վիճելի, երբեմն՝ միարժէքօրէն իրաւացի, յաճախ՝ հալածուած, բայց միշտ կիսած է իր ժողովուրդին ճակատագիրը։ Բացառիկ է Դաշնակցութեան դերը աշխարհասփիւռ հայութեան ազգային ինքնութեան պահպանման, գաղթօճախներու կազմակերպման, հայկական կառոյցներու կայացման գործին մէջ։
Հայ Յեղափոխական Դաշնակցութեան վերադարձը, անոր վերընձիւղումը մայր հայրենիքի մէջ, ինչպէս դուք աւելի ճշգրիտ կը բնորոշէք, կարեւոր իրադարձութիւն էր ո՛չ միայն կուսակցութեան, այլեւ ողջ հայութեան եւ յատկապէս Հայատանի եւ Արցախի քաղաքական կեանքին մէջ։
Ընդհանուր ժողովին կը մաղթեմ յաջող ընթացք, արդիւնաւէտ աշխատանք, նաեւ իմաստուն ու հեռատես որոշումներու ընդունում։ Ժողովի մասնակիցներուն, ինչպէս նաեւ Դաշնակցութեան ընտանիքի բոլոր անդամներուն կը մաղթեմ յաջողութիւններ՝ իրենց հայրենանուէր գործերուն մէջ։
Իմ եւ Հայաստանի նորընտիր խորհրդարանի մեծամասնութեան անունով կը յայտարարեմ, որ պատրաստ ենք համագործակցութեան ՀՅԴի հետ։ Մենք նաեւ բաց պիտի ըլլանք ձեր հնչեցուցած առաջարկներուն եւ քննադատութեան հանդէպ։
Յոյսով եմ, որ ՀՅԴ 33րդ Ընդհանուր ժողովէն ետք՝ Դաշնակցութիւնը իր անդամներուն, համակիրներուն եւ ողջ հայութեան պիտի ներկայանայ ո՛չ միայն իր մեծ՝ 129ամեայ փորձով, հարուստ աւանդոյթներով, այլեւ՝ նոր լիցքերով, թարմ գաղափարներով եւ երիտասարդ ոգիով։
Յաջողութիւն ձեր աշխատանքներին»:
