18.09c
Երեվան
չրք, մյս 06
Ինչպէս դիմակայել «Քորոնա» ժահրը, երբ շուրջդ համաճարակ է
«Ես Եւան եմ, Իտալիոյ Միլան քաղաքէն, համաճարակի կեդրոնէն։ Վարակը սկսած է Լոմպարտիայի փոքրիկ քաղաքէ մը՝ Քոթոնիայէն: Այստեղ ամէն ինչ սկսած է մէկ հոգիէ, որ վարակած էր կնոջ, ընտանիքին, bar-ի աշխատողներուն, շրջապատին։ Յետոյ գտնուեցաւ առաջին հիւանդը, որ եկած էր Գերմանիայէն…
Այս կ'ըսեմ անոր համար, որովհետեւ երբ գրառումներ կ'ընեմ, Հայաստանէն ինծի կ'ըսեն խուճապ կը տարածես, այստեղ մենք ընդամէնը ունինք 4 հիւանդ։ Կ'ուզեմ ըսել, որ մեր մօտ, Իտալիա ալ ամէն ինչ սկսաւ մէկ հոգիով։ Յետոյ տարածուեցաւ ամբողջ Իտալիայով…
Լոմպարտիա կան ամենաորակեալ հիւանդանոցները, բայց այս վերջին օրերուն կը տեսնենք , որ ալ չեն ձգեր, արհեստական շնչառութեան սարքերը չեն բաւարարեր։ Վարակուածներու թիւը անցաւ 12 հազարը, այսօր միայն 2000 վարակուած ունինք…
Լոմպարտիա շատ կան շնչառական մեքենաներ, բայց նորէն չի բաւարարեր, այդ ընթացքով որ շարունակուի, բժիշկը ինքը պիտի որոշէ տարիքային առումով՝ որու փրկէ։ Չինաստան կ'օգնէ շնչառական մեքենաներով, բայց նորէն անբաւարար են, քիչ են…
Մենք մէկ ամիս է փակուած ենք տունը: Սկիզբը փակեցին դպրոցները, թատրոննները, զուարճանքի վայրերը, յետոյ ֆութպոլը փակեցին , Bar-երն ու ճաշարանները, բայց դէպքերը նորէն կը շատնան։ Վաղուընէ կը փակեն ամէն ինչ, բացի սնունդի կեդրոնները, փոստը, թերթի կրպակները…
Յուսամ, որ Հայաստան կը կարողանան կանգնեցնել, կ'ուզեմ ըսել՝ ուշադիր եղէք, իրար մի համբուրէք, ձեռքերը լուացէք, տեսէք, իմ ձեռքերը լուացուելէն ինչ եղած են: Հայաստան ես ալ ունիմ հարազատներ…
Շատերը կը գրեն, որ խուճապ կը տարածեմ, բայց եթէ «լայվս» (ուղիղ եթեր) կ'օգնէ թեկուզ քանի մը մարդու , որ ուշադիր ըլլան ու զգօն, նորէն գոհ կ'ըլլամ…»
Աղբիւրը՝ «Նիւզ թայմ»
