10.09c
Երեվան
շբթ, մյս 09
Երէկ գիշեր Գամիշլիի մէջ գրանցուած պայթումը ականուած ինքնաշարժի արդիւնք էր: Այս մասին «Արեւելք» տեղեկութիւն ստացաւ Գամիշլիի իր աղբիւրէն: Մեր աղբիւրը նաեւ փոխանցեց, որ պայթումը եղած է «Տուար Ալ Րայիս» հրապարակին մօտ, որ կը գտնուի հայկական թաղամասերէն շուրջ 400 մեթր հեռաւորութեան վրայ: Մեր աղբիւրին փոխանցմամբ պայթումին հետեւանքով զոհուած է մէկ անձ (տեղացի քիւրտ պատասխանատու մը, որուն ինքնաշարժին մէջ դրուած էր ականը) եւ վիրաւորուած են 3 անձեր:
Վիրաւորներուն մէջ հայեր չկան: Կացութիւնը Գամիշլիի մէջ կը շարունակէ մնալ սպասողական:
