24.09c
Երեվան
երք, սպտ 15
Geico Skytypers ամերիկյան ընկերությունը, որն անցյալ շաբաթ թուրքամետ ուժերի կողմից վարձատրվել է Նյու Յորքի երկնքում Թուրքիան փառաբանող և հակահայ արտահայտություններ գրելու համար, ներողություն է խնդրել՝ բազմաթիվ բողոքներից հետո: Ընկերությունը նշել է, որ տեղյակ չի եղել գրությունների բովանդակությունից և հակահայ քաղաքականություն չի հետապնդում:
Ինչպես տեղեկացրել էինք, ապրիլի 24-ին ընդառաջ, տասնյակ երիտասարդներ, ամերիկյան պարող խմբի ուղեկցությամբ հավաքվել էին Բրուքլին նշանավոր կամրջի հարևանությամբ և թուրքական նշաններով շապիկներ հագած, պարերի միջոցով հակահայ կոչեր հնչեցրել: Երիտասարդները նաև հատուկ սարքի միջոցով գրություններ են գրել Մանհեթենի երկնքում:
Գրություններից մեկը Աթաթուրքի նշանավոր խոսքն է՝ «Երջանիկ է այն մարդը, որը կասի, թե թուրք է ծնվել»: Երիտասարդները, ժխտելով հայոց ցեղասպանության փաստը, երկնքում գրել են՝ «Թողեք, որ պատմությունն ինքը դատի», «Թուրքիա-իրականություն», «Ռուսաստան+Հայաստան», իսկ մեկ այլ գրությամբ ուշադրություն են հրավիրել ԱՍԱԼԱ կազմակերպության վրա, նշելով, որ PKK-ի, PYD-ի, ISIS-ի նման այն ևս ահաբեկչական կազմակերպություն է:
Թուրքերի և թրքամետ ամերիկացիների այս ակցիան վեճերի տեղիք է տվել Թուիթերում:
