15.09c
Երեվան
ուրբ, մյս 15
3 Լիբանանցի նախարարներէ բաղկացող պատուիրակութիւն մը հատելով «Ժըտայտդ եապուս» ցամաքային ճանապարհը ժամանած է Սուրիոյ մայրաքաղաք Դամասկոս:
Այս մասին լուրը կը փոխանցէ Սուրիոյ պետական հեռուստակայանը յայտնելով նաեւ, որ պատուիրակութեան մաս կը կազմեն նախարարներ Հիւսէյն Հաժ Հասան, Ղազի Զըհայթէր եւ Եուսէֆ Ֆընեանոս:
Նախարարները Դամասկոս կը հասնին ստորագրելու համար Սուրիոյ կառավարութեան հետ վերջերս պատրաստուած մի քանի համաձայնագրեր, որոնց ամէնէն գլխաւորը Սուրիայէն առնուելիք ելեքդրականութեան համաձայնագիրն է:
Նշենք, որ անցնող օրերուն ներ-լիբանանեան քաղաքական առօրեային մէջ քննարկման եւ վէճի երեւելի թեմա դարձաւ Լիբանանցի նախարարներու Սուրիա այցելութեան հարցը:
Մինչ սուրիամէտ քաղաքական ուժեր (որոնց անդամ են Դամասկոս մեկնող նախարարներ) պաշտպանեցին այն կարծիքը, որ նախարարներու Սուրիա մեկնիլը կը բխի Լիբանանի պետական շահերէն, անդին Սուրիոյ իշխանութեան դէմ եղող քաղաքական կողմեր երկրի տնտեսական շահերը քաղաքական տեսակէտներէն աւելի վեր համարելով հանդերձ նկատել տուին, որ լիբանանցի նախարարներոն Դամասկոս մեկնիլը անընդուելի է:
Նշենք, որ վէճը չմնաց միայն տնտեսական դաշտին մէջ, այլ խօսակցութիւններ եղան նաեւ Լիբանաեան եւ Սուրիական բանակներուն համագործակցութեան մասին, ուր նոյնպէս հնչեցին թէր եւ դէմ կարծիքներ:
