Արսեն Արծրունուն բանտային ազատ ռեժիմի հնարավորություն է տրվել... Բարերարը Սուրբ Էջմիածնին է փոխանցել 50․000 ԱՄՆ դոլար՝ ի զորակցություն լիբանանահայության... Իրանում կորոնայի դեմ պայքարում վարակված և մահացած բժիշկները համարվելու են նահատակներ... Մարգարիտա Մանուկյան. Հին Արևելքի գրադարաններ...
Կահիրեի «Յակուբյան» շենքի բնակիչներն են իրականացրել եգիպտական հեղափոխությունը. Ամերիկյան ամսագիր
Կահիրեի  «Յակուբյան» շենքի բնակիչներն են իրականացրել եգիպտական հեղափոխությունը. Ամերիկյան ամսագիր
26 May 2020 , 15:10

Այսօր եգիպտացի ժամանակակից ու  ինքնատիպ գրողներից մեկի՝ Ալաա ալ-Ասուանիի ծննդյան օրն է: Նա մի շարք գրքերի հեղինակ է, որոնցից հայ ընթերցողին ծանոթ է հայերեն թարգմանված «Յակուբյան շենքը» վեպը, որ ժամանակին մեծ աղմուկ է հանել Եգիպտոսում և առհասարակ՝ արաբական աշխարհում: Գրաքննադատներն ասում են, որ արաբ գրողի գիրքը երկու մասի էր բաժանել Եգիպտոսը. երիտասարդներն ու ազատ մտածողությամբ եգիպտացիները ոգևորությամբ էին ընդունել Ալաա ալ-Ասուանիի այս գիրքը, որ թարմ շունչ էր տարածել երկրում, կար նաև մի մեծ զանգված, որ անթույլատրելի էր համարում գրքում նկարագրված բաց տեսարաններն ու եգիպտական հասարակության համար անընդունելի երևույթները, ազատության անսպասելի ձգտումը: Ոմանք նկատել են, որ Ալաա ալ-Ասուանիի գրականությունը ներշնչված է իսպանական գրականությունից: Գրողը իսպանական գրականություն է ուսումնասիրել Մադրիդում: 

Իսկ իրադարձությունները, որ նկարագրվում են «Յակուբյան շենքը» գրքում,  տեղի են ունենում  հայ, 1930-ականներին Եգիպտոսի միլիոնատերերից մեկը եղած Հակոբ Յակուբյանի կառուցած շենքում, որն այսօր էլ կանգուն է և որի վրա լատինատառից բացի  նաև արաբերենով գրված է նրա ազգանունը՝ (Բինայաթ «Յաղգուպյան» -խմբ.Յակուբյան շենք):   Այդ շենքում, բազմաթիվ գրասենյակների և արհեստանոցների շարքում  ատամնաբուժարան ունի նաև   Ալաա ալ-Ասուանին, որ իր հիմնական մասնագիտությամբ ատամնաբույժ է, այսօր էլ աշխատում է որպես ատամնաբույժ և ազատ ժամերին ստեղծագործում:  Բեսթսելլեր է եղել ոչ միայն  «Յակուբյան շենքը»,  նաև՝  գրողի  «Չիկագո» վեպը, որտեղ նկարագրում է Չիկագոյում ապրած իր տարիները: 

«Յակուբյան շենքը» թարգմանվել է 30-ից ավելի լեզուներով։ 2006 թ. վեպի հիման վրա նկարահանվել է նույնանուն գեղարվեստական ֆիլմ՝ եգիպտական կինոյի համար աննախադեպ բյուջեով՝ 20 միլիոն եգիպտական ֆունտ (3 ու կես միլիոն ԱՄՆ դոլար)։ 2007 թ. Եգիպտոսում նկարահանվել է նույնանուն հեռուստասերիալ, որը ցուցադրվել է արաբական 20-ից ավելի երկրների հեռուստաալիքներով: 

Ալաա ալ-Ասուանին նաև քաղաքական ակտիվիստ է: Տեսակետներ կան, որ եգիպտական հեղափոխության համար փողոց դուրս եկած մարդկանց մեծ մասը ոգեշնչվել է  Ալաա ալ-Ասուանիի գրքերից: Գրողը ինքն էլ խոստովանել է, որ  2011-ի  հեղափոխության օրերին փողոցում մարդիկ մոտենում էին իրեն և ասում, որ կարդացել են գիրքը և ոգեշնչվել:

Ամերիկյան Foreign Policy  ամսագիրը  գրել է, որ եգիպտական հեղափոխությունը Կահիրեի Թահրիր հրապարակում իրականացրել են «Յակուբյան» շենքում բնակվող և աշխատող տարբեր խավերի պատկանող եգիպտացիները, որոնք այդ շենքում տեսել են ամեն ինչ և փողոց  դուրս եկել: Ամսագիրը շենքի կյանքը համարել է Եգիպտոսի ճշգրիտ մանրապատկերը, որում սիրո, նվիրումի, աշխատասիրության ու ազնվության կողքին բարգավաճում են ահաբեկչությունը, կաշառակերությունը, դավաճանությունը: 

Այսօր Ալաա ալ-Ասուանին այսօր դարձավ 63 տարեկան: Նա շարունակում է ստեղծագործել: 

 

 


«Յակուբյան» շենքը

 

Ալաա ալ-Ասուանիի անունը ընդրկրկված է  աշխարհի 500 ամենաազդեցիկ մուսուլմանների և 2011-ի աշխարհի 100 մեծ մտածողների շարքում: 

 


«Անտարես» հրատարակչությունը 2002-ին «Օտարագիր գրողներ» մատենաշարով թարգմանել և լույս է ընծայել Ալաա ալ-Ասուանիի նշանավոր գիրքը

 



Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture