7.09c
Երեվան
երք, նմբ 05
Երէկ, Շարլ Ազնաւուրի հրաժեշտի արարողութեան ժամանակ, Էլիզէի պալատի երգչախումբի անդամը երգած է «Արեւիդ մեռնեմ, սիրուն ճան» երգը, որ ֆրանսացի շատ երգիչներու քով տարածուած երգ է: Այս երգը ֆրանսական Bratsch խումբի կատարմամբ ձայնագրուած է խումբի ալպոմներիէն մէկուն մէջ, Bratsch-ի հայ հիմնադիր՝ երգիչ, կիթառիստ Տէն Ղարիպեանի կատարմամբ:
Ֆրանսայի մէջ յայտնի Bratsch գնչուական խումբը կը մեկնաբանէ Արեւմտեան Եւրոպայի գնչուական երգ-երաժշտութիւնը: Խումբի հիմնադիրները նպատակ ունեցած են ներկայացնել Սեւ Ծովէն մինչեւ Աթլանթեան ովկիանոս տարածուող ազգերու երաժշտութիւնը՝ ճազի վերածելով անոնց ազգային երաժշտական աւանդոյթները: Ֆրանսայի մէջ գործող խումբը, մեծ ճանաչում ունենալով Ֆրանսայի մէջ, նաեւ բազմաթիւ վայրերու մէջ հանդէս եկած է, ինչպէս՝ Մոսկուայի, Պոլսոյ, Լոս Անճելըսի, Պերլինի, Լոնտոնի, Կազայի մէջ եւ այլուր:
Խումբը հիմնուած է 1972-ին. երաժիշտները ոչ միայն ալպոմներ թողարկած եւ համերգներ ունեցած են, այլեւ հասցուցած են հանդէս գալ ֆրանսացի աստղերու հետ: Շարլ Ազնաւուրը նոյնպէս խումբի հետ համատեղ երգած է Bratsch-ի երգերը:
Տէն Ղարիպեանի կատարմամբ հնչող «Արեւիդ մեռնեմ, սիրուն ճան. Հայկական վալս» երգը խումբի միակ հայերէն կատարումը չէ: Ֆրանսացիներէ եւ մէկ հայէ կազմուած խումբը իր ալպոմներուն մէջ այլ հայկական երգեր նոյնպէս ընդգրկած է, որոնցմէ են՝ «Նուպար», «Ո՜վ, սիրուն սիրուն», «Նա մի նազ ունի» եւ այլն:
Խումբը տարիներ առաջ, երկարատեւ համագործակցութենէն ետք բաժնուած է, եւ Տէն Ղարիպեան հիմնած է «Ղարիպեան թրիօ»-ն:
Ֆրանսայի մէջ յայտնի ճազային կատարող է նաեւ Bratsch-ի հիմնադիր Տէն Ղարիպեանի դուստրը՝ Մաշա Ղարիպեանը:
Տէն Ղարիպեանը դստեր՝ Մաշա Ղարիպեանի հետ
Երգը՝ Տէն Ղարիպեանի կատարմամբ
Ֆրանսայի պալատական զինուորական երգչախումբի անդամի կատարմամբ
Շարլ Ազնաւուրի եւ Տէն Ղարիպեանի համատեղ կատարումը
