Օրերս Պէյրութի մէջ իր մահականցուն կնքած է Լիբանանի ՀԲԸՄ-ի մեծ ընտանիքի սիրուած ու նուիրեալ անդամներէն՝ Վերժին Չերչեան-Աբրահամեանը։
Յետ ծանր անհանգստութեան եղած այս կորուստը մեծ դառնութեամբ ընդունուած է Բարեգործականի շրջանակներէ ներս։
Հանգուցեալը, որ կողակիցն էր արմատներով՝ Պոլսեցի մտաւորական Կարօ Աբրահամեանին ունեցած է նաեւ մշակութային հետաքրքրութիւններ ու յատուկ սէր մանկապատանեկան գրականութեան հանդէպ։
Ու վստահօրէն այդ սէրն էր, որ Տիկին Վերժինը մղեց նախաձեռնելու պատանիներու համար նախատեսուած «ՓԹԻԹ» պարբերականը, որ շատ կարճ ժամանակամիջոցի մը ընթացքին դարձաւ սիրելի եւ փնտռուած հարթակ մը, ոչ միայն Լիբանանի այլ Մերձաւոր Արեւելքի մատղաշ սերունդներուն համար։
ուռ ու մունջ աշխատանքի հաւատացողն էր Տիկին Վերժին, որուն կորուստով կը փակուի կարեւոր էջ մը արդի ժամանակներուն մանկապատանեկան գրականութեան համար գործող նուիրեալներու մայր տոմարէն, որուն մէկ նուիրեալ անուններէն էր հանգուցեալը։
Այս առթիւ «Արեւելք» խորազգաց ցաւակցութիւններ կը յայտնէ հանգուցեալի պարագաներուն եւ յատկապէս անոր եղբօր ՀԲԸՄ-ի Լիբանանի մարմնի երեւելի դէմքերէն՝ Տիար Վիգէն Չերչեանին , ինչպէս նաեւ հանգուցեալի ամուսնոյն՝ Տիար Կարօ Աբրահամեանին։
Ստորեւ «Արեւելք»ի ընթերցող հանրութեան կը ներկայացնենք այս տխուր առթիւ ՀԲԸՄ-ի Լիբանանի մարմնին կողմէ տարածուած մահագրութիւնը։
Վերժին Չերչեան-Աբրահամեան
Ծնած է 1959-ին, Պէյրութ, կեսարացի արմատներով ծնողներէ։
Յաճախած է ՀԲԸՄ-ի Տէﬕրճեան Տիպար Մանկապարտէզ, Տէﬕրճեան նախակրթարան եւ Դարուհի Յակոբեան աղջկանց երկրորդական վարժարանները։ Բարձրագոյն ուսումը ստացած էր Պէյրութի Աﬔրիկեան Համալսարանի տնտեսագիտութեան բաժանմունքին մէջ (տնտեսական եւ վիճակագրական գիտութիւններու մասնագիտացումով), աւարտելով բարձր պատուոյ յիշատակութեամբ։
Կեանքի ասպարէզ նետուած է դրամատնային մարզէն ներս։ Իր իսկական կոչումը գտած է ուսուցչագործելով հայկական՝ Դարուհի Յակոբեան, Յովակիﬔան-Մանուկեան, Սահակեան ու Թէքէեան վարժարաններուն մէջ, դասաւանդելով թուաբանութիւն, իր աշակերտները պատրաստելով պրէօվէի քննութիւններուն եւ անոնց տեւաբար ապահովելով պատուաբեր արդիւնքներ։
Իր եղբօր՝ Վիգէն Չերչեանի հետ կանուխ տարիքէն մասնակցած է ՀԵԸ-ի զանազան շարժուﬓերուն եւ գործունէութիւններուն՝ պատասխանատու պաշտօններ ստանցնելով սկաուտական շարժուﬕն (բարձրանալով արծուիկներու խմբապետութեան), պարախումբի, երգչախումբի եւ մշակութային վարչութիւններէն ներս։ Մի քանի տարի ալ ատենադպիրի պաշտօն ստանձնած է ՀԲԸՄ-ի կրթական յանձնախումբին մէջ։ Արժանացած էր ՀԲԸՄ-ի կրկնակի վեթերանի վկայականին։
Իր տարիներու փափաքը եղած է մանկապատանեկան պարբերաթերթի մը հրատարակումը։ 2009-ին սկսած բծախնդիր եւ ուշադիր աշխատանքներուն շնորհիւ Մայիս 2010-ին լոյս տեսաւ «ՓԹԻԹ» մանկապատանեկան պարբերաթերթի նախապատրաստական թիւ 0 համարը։ Հակառակ աշխատակիցներու խումբի մը գոյութեան, ինք գրեթէ առանձին կը կատարէր խաղերու մտայղացումը, խմբագրումը եւ համակարգչային ձեւաւորուﬕ աշխատանքները, այդպիսով ﬕնչեւ 2020 թուականը պարբերաբար հրատարակուած է «ՓԹԻԹ»-ի 19 համար։ Այնքան ﬔծ էր պարբերականին գրաւչութիւնը, որ ՀՀ ԿԳՄՍ-ի պատուէրով եւ Յովհաննէս Թումանեանի տուն-թանգարանին գործակցութեամբ Հայաստանի մէջ լոյս ընծայուեցաւ «ՓԹԻԹ»-ի 19-րդ թիւը՝ այնտեղ հաստատուած սփիւռքահայ մանուկներու համար։ Դժբախտաբար, արցախեան երկրորդ պատերազﬕ բռնկուﬕն պատճառով կարելի չեղաւ շարունակել յոյժ օգտաշատ այս ծրագիրը։
2015-ին, Գալուստ Կիւլպէնկեան Հիﬓարկի Հայկական Բաժանմունքներու պատասխանատու՝ Դոկտ. Ռազﬕկ Փանոսեանի խրախուսանքով եւ Հիﬓարկի նիւթա-բարոյական նեցուկով եւ Վերժին Չերչեան Աբրահաﬔանի ջանքերով ստեղծուեցաւ «ՓԹԻԹ» մանկապատանեկան կայքը, որուն կանոնաւոր յաւելուﬓերը լայն արձագանք գտած են սփիւռքահայ կրթական շրջանակներէն ներս։
«ՓԹԻԹ»-ը լայն ուշադրութեան արժանացած է սփիւռքահայ թէ հայրենի կրթական, մտաւորական եւ մամուլի շրջանակներուն մէջ եւ արժանացած է 150-է աւելի գրախօսականներու, դրուատալից գնահատականներու եւ յօժարակամ ծանուցուﬓերու։
2012 թուականին այն կը ստանայ ՀՀ Սփիւռքի նախարարութեան հաստատած «Լաւագոյն մանկապատանեկան մամուլ» մրցանակը եւ պատուոգիրը, իսկ 2018 թուականին ալ՝ Հայկազեան Համալսարանի նախագահ վերապատուելի դոկտոր Փօլ Հայտօսթեանի ձեռամբ՝ Համալսարանի պատուոյ յուշաﬔտալը։
Վերժին Չերչեան Աբրահաﬔան անդամ էր Լիբանանի Մամլոյ եւ Հայաստանի Ժուռնալիստներու ﬕութիւններուն։