21.09c
Երեվան
ուրբ, հնս 20
«Ուրուական» անունով յայտնի ընտրելագոյն ստորաբաժանման ղեկավար, գնդապետ Ռոյ Լեւին երէկ զոհուած է պաղեստինեան ՀԱՄԱՍ խմբաւորման զինեալներու հետ հարաւային Ռէյմ համայնքին մէջ մարտերու ժամանակ, յայտնած է Times of Israel-ը։
«Ան խիզախօրէն կը ղեկավարէր իր խումբը՝ Ռէյմի մէջ առաջինը մտնելով կռիւի մէջ, որ փրկէ քաղաքացիները, որոնք պաշարուած էին իրենց տուներուն մէջ», -ըսուած է Իսրայէլի պաշտպանութեան բանակի յայտարարութեան մէջ:
Իսրայէլի պաշտպանութեան բանակի տուեալներով, փոխհրաձգութեան ժամանակ սպանուած է մօտ 10 պաղեստինցի զինեալ։ Աւելի ուշ Իսրայէլի պաշտպանութեան բանակը հրապարակեց եւս 17 զինուորականներու անուններ, որոնք զոհուած էին երկրի հարաւը տեղի ունեցող մարտերու ընթացքին:
