0.09c
Երեվան
շբթ, դկտ 27
Իրանի «Իսլամական յեղափոխութեան պահապաններու ջոկատ»ի ներկայացուցիչները դիտարկած են Ուաշինկթընի «Ֆորտ ՄաքՆէյր» ռազմակայանի դէմ յարձակում իրականացնելու տարբերակը՝ որպէս պատասխան իրանցի զօրավար, «Ֆայլաք ալ քուտս» յատուկ ստորաբաժանման հրամանատար Քասեմ Սուլայմանիի սպանութեան:
Ինչպէս կը հաղորդէ Associated Press-ը՝ յղում ընելով ԱՄՆ հետախուզութեան իր աղբիւրներուն, յունուարին Ազգային անվտանգութեան գործակալութեան որսացած տուեալներուն համաձայն՝ Իրանի «Ֆայլաք ալ քուտս» ստորաբաժանման ներկայացուցիչները կը քննարկէին ռազմակայանի ուղղութեամբ իրականացուելիք յարձակման մանրամասները: Ըստ այդ տուեալներուն՝ կը նախատեսուէր յարձակում իրագործել ամերիկեան USS Cole նաւի դէմ, նոյն այն ոճով, ինչպէս 2000 թուականին պայթեցուցած էին Ատանի նաւահանգիստը:
Բացի այդ, գործակալութեան զրուցակիցները պնդած են, որ Իրանը կը սպառնար նաեւ ԱՄՆ բանակի ԳՇ փոխղեկավար Ժոզեֆ Մարինին, որու նստավայրը կը գտնուի «Ֆորտ ՄաքՆէյր»-ում:
Յիշեցնենք, որ զօրավար Սուլայմանին սպաննուած է 2020 թուականի 3 յունուարին Պաղտատի օդակայանի ուղղութեամբ եղած ամերիկեան օդային հարուածի հետեւանքով:
