-3.91c
Երեվան
երկ, փտր 10
Անցնող օրերուն տեղի ունեցած ծանր մարտերէ ետք ընդդիմադիր զինեալներ յաջողած են փոքր անցք մը բանալ Հալէպի արեւելեան շրջանին մէջ: Այս մասին տեղեկութիւնը տուած է LBCI կայանը, յղում ընելով, «Հըզպալլա»ի «պատերազմի տեղեկատուական աղբիւր»ին: Աղբիւրը նաեւ յայտնած է, թէ հակառակ բացուած փոքր անցքին, շրջանի քաղաքացիները ճանապարհի վտանգաւորութեան հետեւանքով կը մերժեն տեղաշարժուիլ: Կը նշուի նաեւ, որ պաշարուած այդ շրջանններուն մէջ կ'ապրին 52 հազար բնակիչներ, որոնց մեծ մասը ըստ ընդդիմադիր էջերու, տօնախմբութիւններ կատարած են պաշարման օղակին քակուելուն առթիւ: «Հըզպալլա»-ի մօտիկ աղբիւրներ նաեւ կը փոխանցեն, որ ահաբեկիչ խմբաւորումներու անդամ շուրջ 500 զինեալներ սպաննուած են անցնող ժամերուն տեղի ունեցած մարտերուն ատեն: Տարբեր աղբիւրներ կը հաղորդեն, որ «Քուլիյէթ ասքարիյէ» զինուորական հիմնարկի շրջանը ծանր հարուածներ կրած է եւ մինչեւ այս պահը ահաբեկիչ տասնեակ զինեալներու դիակներ կը մնան հիմնարկի փլատակուած շէնքերուն տակ:
Լուսանկարը ՝ AFP-ի:
