24.09c
Երեվան
ուրբ, մյս 09
Այսօր Վրաստանի Նատախտարի շրջանին մէջ տեղի ունեցած է վթար։ Ըստ Shamshyan.com-ի իրարու զարնուած են Mercedes մակնիշի Օ961 XA 777 համարանիշի եւ Setra մակնիշի 24 OR 444 համարանիշի մեքենաները: Վթարի հետեւանքով Mercedes-ի վարորդը, անոր ուղեւորները մահացած են, իսկ հանրակառքի ուղեւորներէն եւս 11 հոգի բժշկական օգնութիւն ստանալու նպատակով դիմած է բժիշկներու օգնութեան: Հանրակառքը հաշուառուած է Երեւան քաղաքի 16-րդ թաղամասի բնակիչ Գոռ Թադեւոսեանի անուամբ եւ ուղեւորներ կը փոխադրէր Ռուսիա:
Ըստ Tert.am-ի՝ վթարի հետեւանքով մահացած է ազգութեամբ հայ Ռուսաստանի 2 քաղաքացի, որոնցմէ մէկը՝ անչափահաս, վիրաւորուած է ՀՀ 3 քաղաքացի: Անոնց ինքնութիւնը պարզուած չէ: Այս մասին Tert.am-ի հետ զրոյցին ըսած է Վրաստանի մէջ ՀՀ դեսպան Եուրի Վարդանեանի օգնական Անի Հայրապետեանը:
Ան յայտնած է, որ մեքենաներու բախման հետեւանքով զոհուած է Mersedec-Benz-ի ուղեւոր,1974 թուականին ծնած Ռուսաստանի քաղաքացի Լուսինէ Մինասեանը եւ 2010 թուականին ծնած Մաքսիմ Մինասեանը:
«Առողջական վնասուածքներ ստացած են վարորդ Ռոման Հայրապետյանը, ուղեւորներ՝ 2005 թուականին ծնած Անուշիկ Մալխասեանը եւ 1993-ին ծնած Ալինա Մինասեանը: Վերջիններս տեղափոխուած են Մցխեթայի բժշկական կեդրոն»,-ըսած է Անի Հայրապետյեան:
