34.09c
Երեվան
չրք, հլս 30
Վենետիկի շարժանկարի փառատօնի Venice Production Bridge-ի մէջ ցուցադրուած է Ճիւան Աւետիսեանի «Վերջին բնակիչը» ֆիլմը, որ կազմակերպուած էր Վենետոյի նահանգապետ Լուքա Զաիայի բարձր հովանու ներքոյ՝ «Ֆիշ այ Արթ» մշակութային հիմնադրամի իտալական գործընկեր Blue knowledge Association- նախաձեռնութեամբ, յանձին միութեան տնօրէն Orietta Trevisanato Zampieri-ի:
Այդ առիթով ֆիլմի ստեղծագործական կազմէն Իտալիա ժամանած էին բեմադրիչ Ճիւան Աւետիսեանը, լիթվիացի արտադրող Քեստուտիս Տրազտաուսկասը, ամերիկեան խումբէն՝ գործադիր արտադրող Ատրինէ Միրզայեանը, իսկ դերասանական կազմէն՝ գլխաւոր կերպար կերտած լիթվիացի դերասանուհի Սանտրա Տաուկշայթէ Փեթրուլենէն։ Ցուցադրութեան ներկայ էին հասարակական, մշակութային գործիչներ, շարժանկարի ոլորտի ներկայացուցիչներ։ Ցուցադրութիւնը խոստումնալից էր, քանի որ հիմնական նպատակը Իտալիոյ մէջ «Վերջին բնակիչը» ֆիլմի տարածումն էր, որ դրական արձագանգ ունեցած է:
Ցուցադրութեան յաջորդած է քոքթէյլի երեկոն, որու ընթացքին տեղի ունեցած է միտքերու փոխանակում։ Ներկաները կիսուած են իրենց տպաւորութիւններով, հնչող կարծիքները շատ դրական եղած են։
Ֆիլմի ստեղծագործական կազմը նոյնպէս կարեւորած է «Վերջին բնակիչը»՝ որպէս միջազգային արտադրութիւն։ Ֆիլմի գործադիր արտադրող Ատրինէ Միրզայեան շեշտադրած է նաեւ Սփիւռքի դերը նման հայկական ֆիլմերու խրախուսման գործին մէջ:
Կայացած է «Վերջին բնակիչը» ֆիլմի վերաբերեալ մամլոյ ասուլիս, որուն ներկայ եղած են ֆիլմի ստեղծագործական կազմը, Իտալիոյ մէջ ՀՀ դեսպան Վիքթորիա Պաղտասարեանը, հայկական արմատներ ունեցող իտալացի յայտնի գրող Անթոնի Արսլանը։
Դեսպանը, կրկին ներկայացնելով ատրպէյճանա-ղարաբաղեան բախումը, խօսած է ֆիլմի կարեւորութեան մասին: Ան ընգծած է, որ այսօր Արցախի մասին տեղեկատվութիւնը սահմանափակ է, իսկ նման ֆիլմերը կը նպաստեն անոր վերաբերեալ իրազեկուածութեան բարձրացման։
