-4.91c
Երեվան
երք, փտր 04
Օրերս, ձեռամբ Իրաքահայ Թեմի Բարեխնամ Առաջնորդ Գերշ. Տ. Օշական Եպս. Կիւլկիւլեանի, վերաօծուած է Իրաքի Պաքուպայի Սրբոց Նահատակաց եկեղեցւոյ Սուրբ Սեղանը։
Ասոր մասին «Արեւելք» տեղեկացաւ Իրաքի Հայոց Թեմի Առաջնորդարանի դիմատետրեան էջէն։
Ստորեւ՝ լրատւութիւնը։
Կիրակի, Դեկտեմբեր 22-ին, ձեռամբ Իրաքահայ Թեմի Բարեխնամ Առաջնորդ Գերշ. Տ. Օշական Եպս. Կիւլկիւլեանի, օծուեցաւ Պաքուպայի նոր վեանորոգուած "Սրբոց Նահատակաց" եկեղեցւոյ Սուրբ Սեղանը։ Այնուհետև Առաջնորդ Սրբազանի հանդիսապետութեամբ, Զախոյի Սբ. Աստուածածին կեղեցւոյ հոգեւոր հովիւ արժ. Տ. Յակոբոս քհն. Իսահակեանը մատուցեց Սբ. Պատարագ։
Աւարտին Սրբազան Հայրը ողջունեց ներկաները և իր շնորհակալութիւնը յայտնեց Կեդրոնական վարչութեան վերանորոգմանն աջակցելու և շինարարներուն` նորոգման աշխատանքները բարեխիղճ կատարելու համար։ Սրբազանը ի մասնաւորի նշեց որ այս հրաշակերտ եկեղեցին որպէս գերեզմանատան հրեշտակ, պիտի կանչէ բոլորին աղօթելու եւ յիշելու իրենց ննջեցեալները։
Ապա Առաջնորդ Սրբազանը և քահանայ հայրերը այցելեցին հանգուցեալներու շիրիմները և աղօթեցին անոնց հոգիներու խաղաղութեան և փրկութեան համար։
Լուսանկարները տրամադրեցին`
Վահիկ Աւետիսեանը
և Մասիս Մեսրոպեանը
