31.43c
Երեվան
երկ, հլս 20
Թուրքիոյ եւ Ռուսիոյ Դաշնութեան միջեւ աշխատանքներ կը տարուին կազային հանգոյցի շուրջ, կ'ընթանայ նախագծման, շինարարութեան եւ շուկայի գնահատում: Այս մասին «ՌԻԱ Նովոստի»-ին յայտնած է Անգարայի աղբիւրը:
«Աշխատանքը կ'իրականացուի, այն կը պահանջէ նախագծման, շինարարութեան, շուկայի գնահատականներ: Համապատասխան գերատեսչութիւնները կը կատարեն նախագահներու յանձնարարականները, գործընթացը երկու երկիրներու ղեկավարներու վերահսկողութեան տակ է»,-ըսած է լրատուական գործակալութեան զրուցակիցը:
Աւելի վաղ, Ռուսիոյ նախագահ Վլատիմիր Փութին յայտարարած էր, որ Ռուսիան կրնայ կազի տարանցումը «Հիւսիսային հոսք»-էն տեղափոխել Սեւ ծովու տարածաշրջան եւ Թուրքիա: Ռուսիոյ նախագահն այդ գաղափարը քննարկած է Թուրքիոյ նախագահ Ռեճէպ Թայէպ Էրտողանի հետ։ Անոնք յանձնարարած են մանրամասն եւ արագ մշակել հարցը։
