Օրեր առաջ Գանատայի Թորոնթո քաղաքին մէջ իր մահականացուն կնքած է Տիգրանուհի Քէնտիրճեան (ծն. Իրաք): Տիկ. Տիգրանուհի, որպէս ուսուցչուհի երկար տարիներ պաշտօնավարած է Թորոնթոյի ՀՕՄ-ի Ամէնօրեայ Վարժարանի «Պապայեան» մանկապարտէզին մէջ: Վարժարանի Ֆէյսպուքի էջէն այս մասին կը կարդանք. «Սրտի խոր կսկիծով կը գուժենք մահը՝ մեր վարժարանի երկար տարիներու նուիրեալ ուսուցչուհի Տիկին Տիգրանուհի Քէնտիրճեանին, որ պատահեցաւ Երեքշաբթի, 14 Յունիս, 2016-ին: Տիկին Տիգրանուհիին յիշատակը վառ պիտ մնայ իրեն պաշտօնակիցներու եւ աշակերտած հարիւրաւոր շրջանաւարտներու սրտերուն մէջ։ Անոր, Հայկական վարժարանի հանդէպ ունեցած նուիրուածութիւնը՝ նոր սերունդներու համար կը շարունակէ ծառայել որպէս ներշնչման աղբիւր»: Նշենք, որ Տիկ. Քէնտիրճեանի յուղարկաւորութեան եւ թաղման արարողութիւնը պիտի կատարուին Թորոնթոյի Սուրբ Աստուածածին Եկեղեցւոյ մէջ: